विहिबार, भदौ २७, २०८१
म्याग्दीको बेगखोलामा बोलेरो जिप दुर्घटनाः २ को मृत्यु ६ घाईते
म्याग्दी । म्याग्दीको रघगंगा गाउँपालिका १ बेगखोलामा सोमबार बोलेरो जिप दुर्घटना भएको छ ।
बेनी बाट बेगखोला जाँदै गरेको निलगिरी यातायातको ग १ ज ७२५१ नम्वरको जिप साँझ करिव ५ बजेको समयमा बेगखोला देखि केहि माथीको घुम्तीमा दुर्घटना हुँदा जिपमा सवार ८ जना मध्य २ जनाको घटना स्थलमै मृत्यु भएको छ भने ६ जना गम्भिर घाइते भएको त्यहाँबाट स्थानीय संचारकर्मी दल प्रसाद तिलिजाले जानकारी दिनुभएको छ ।
जिप सडक बाट करिव १ सय ५० मिटर तल खसेको छ । अहिले त्यहाँ स्थानीयले घाइतेको उद्धार गरिरहेका छन । बेनी बाट एम्वुलेन्स घटना स्थलमा पुगेको छ । बेग स्वास्थ्य चौकीका स्वास्थ्यकर्मीहरुबाट प्राथमिक उपचार पछि घाइतेहरुलाई बेनी अस्पताल ल्याइदै छ । बेलुकीको समय भएकाले उद्धारमा कठिनाइ भएको छ ।
Related posts
