विहिबार, भदौ २७, २०८१
अर्जमका भिम बहादुर श्रेष्ठ परिवार देखि सम्पर्क बिहिन
म्याग्दी । म्याग्दीको बेनी नगरपालिका १ अर्जमका भिम बहादुर श्रेष्ठ शनिबार देखि सम्पर्क बिहिन हुनुभएको छ ।
शनिबार बेनपा ३ डाँडाखानी ससुराली गयर फर्किएका ५३ बर्षिय श्रेष्ठ घर नपुगी बिच बाटोबाटै सम्पर्क बिहिन हुनुभएको हो । आइतबार दिनभर डाँडाखानी देखि अर्जम बिचको बिभिन्न ठाउँमा खोजतलास गर्दा पनि भेटाउन सकिएको छैन ।
उहाँ पुग्न सक्ने सवै आफन्तहरु संग परिवारले सम्पर्क गरेका छन, तर श्रेष्ठको कुनै खबर छैन । सोमबार दिनभर पनि खोजी कार्यलाई जारी राखिएको छ ।
खोजतलासकै क्रममा सोमबार दिउँसो बेनपा ३ तोराखेतको जरिबिसाउना भन्ने ठाउँमा उहाँलेनै लगाउनु भएको टोपी भेटिएको श्रेष्ठका आफन्त जिबन श्रेष्ठले जानकारी दिनुभयो । टोपी भेटिएको ठाउँमा घाँसपातहरु मिचिएका छन । त्यो दृष्य हेर्दा झैझगडा भएको हुन सक्ने अनुमान गरिएको छ ।
खोजतलासका लागि जिल्ला प्रहरी कार्यालय म्याग्दीबाट प्रहरीको टोली पुगेको छ । टोपी भेटिएको स्थान वरपर प्रहरी र स्थानीयहरु द्वारा खोजी कार्य भइरहेको छ ।
Related posts
