शनिबार, साउन १२, २०८१
गण्डकी प्रदेशमा थप ४७ जनामा कोरोना संक्रमण, योसँगै गण्डकीमा संक्रमितको संख्या ३ हजार १ सय १२
जनसन्देश संवाददाता पाेखरा
गण्डकी प्रदेशमा थप ४७ जनामा कोरोना संक्रमण पुष्टि भएको छ । क्षयरोग उपचार केन्द्र पोखरा, पोखरा स्वास्थ्य विज्ञान प्रतिष्ठान र चितवन मेडिकल कलेजमा गरिएको परीक्षणमा गण्डकीमा थप ४७ जनामा कोरोना संक्रमण पुष्टि भएको हो ।
संक्रमण पुष्टि हुनेमा नवलपरासी पूर्वका २०, स्याङ्जाका १२, तनहुँका नौ, कास्कीका तीन, गोरखा, लमजुङ र मनाङका एकरएक जना रहेका छन् । योसँगै गण्डकीमा संक्रमितको संख्या ३ हजार १ सय १२ पुगेको छ ।
त्यस्तै, गोरखाका एकजना संक्रमितको काठमाडौंमा मृत्यु भएको छ । गोरखाको बारपाक सुलिकोट( ८ स्थायी ठेगाना भएका ६३ वर्षीया महिलाको सोमबार वीरेन्द्र अस्पताल छाउनीमा मृत्यु भएको हो । उनमा २५ भदौमा कोरोना पुष्टि भएको थियो ।
अस्पतालका अनुसार ती महिला क्यान्सर रोगीसमेत थिइन् । योसहित गण्डकीमा कोरोनाबाट मृत्यु हुनेको संख्या ३० पुगेको छ ।
Related posts
