गत असार २५ गते राती अविरल बर्षा सँगै गएको बाढी पहिरोका कारण पश्चिम म्याग्दीको विभिन्न स्थानमा ज्यान गुमाएका परिवारलाई सरकार द्धारा राहत वितरण गरिएको छ । नेपाल सरकारले जिल्ला विपत व्यवस्थापन समिती म्याग्दीको खातामा जिल्लाका विभिन्न स्थानका गएको बाढी पहिरोबाट क्षेतिपुगेकाहरुलाई ६० लाख रुपैयाँ राहत रकम उपलब्ध गराएकोमा धौवलागिरी गाउँपालिका–६ मराङ्ग र मालिका गाउँपालिका ७ विमका आफन्तलाई राहत रकम वितरण गरिएको हो ।

बाढी पहिरोमा परि ज्यान गुमाउने ३१ जना मध्ये २३ जना मृतकका आफन्तलाई सरकारबाट प्राप्त राहत रकम  रू.३५ लाख सोमबार मालिका गाउँपालिकाको केन्द्र दरवाङ पुगि हस्तान्तरण गरिएको र बाँकी ८ मृतक मध्ये ४ जनाको कुनै हकवाला नभएको र ४ जनाको हकवाला विदेशमा रहेकाले राहत हस्तान्तरण हुन नसकेको प्रमुख जिल्ला अधिकारी उमाकान्त अधिकारीले बताउनु भयो ।
एक परिवारका १ जना सदस्यको मृत्युभएमा दुईलाख र एक भन्दा बढीको मृत्यु भएमा एक जनाको २ र बाँकीको एक÷एक लाखका दरले राहत वितरण गरिएको अधिकारीले बताउनु भयो । यस भन्दा अगाडि परिवारका एक जनाको मृत्यू भएमा एक लाख वितरण गरिनेमा सरकारले अहिले एक लाख थपेर दुईलाख रुपैयाँ बनानाएको अधिकारीले बताउनु भयो ।

Related posts

रुपन्देहीमा एम्बुलेन्स र मोटरसाइकल ठोक्किँदा २ जनाको मृत्यु

जिल्ला समन्वय समितिको निर्वाचनका लागि मनोनयन दर्ता

बेनीमा मदरसाका विद्यार्थीलाई शैक्षिक साम्रागी वितरण

एन्जल हार्ट कलेज काठामाडौँद्वारा म्याग्दी, बाग्लुङ र पर्वतमा छात्रवृत्ति विशेष कार्यक्रम

घटस्थापनाको साइत बिहान ११ः४६ मा