नेकपा एमाले बेनी नगरपालिका कमिटीको अध्यक्ष पदमा दुईजनाको दाबी यथावत रहेको छ। नेतृत्व चयनका लागि मंगलबार देखि सुरु भएको प्रथम नगर अधिवेशनमा अध्यक्ष पदमा युवा नेता नारायण जि।सी, राजकुमार थापा र चन्द्रकुमार केसीले दावी प्रस्तुत गर्नुभएको थियो ।

बुधवार दिनभर नेताहरुले मिलाउने प्रयास गरेपनि साँझसम्म सहमति हुनसकेको छैन । दुवैजनाले अडान लिएपछि नेताहरुलाई सकस परेको छ । अध्यक्ष पदका आकांक्षी थापाले दावी फिर्ता लिएर जिसीलाई समर्थन गर्नुभएको छ । आगामी स्थानीय तहको निर्वाचन पनि नजिक भएकाले नेतृत्व लिन दुबैले कसरत गरेका छन् ।

सहमतिबाटै नेतृत्व चयन गर्न जिल्लाका नेताहरुले छलफल गरिरहनुभएको छ । तर दुवै जना पछि हट्न नमानेका कारण सहमति गर्न कठिन भएको छ । नेतृत्व चयन गर्न कुनैपनि हालतमा निर्वाचनमा नजाने मनस्थिति नेताहरु पुगेका छन् भने आकांक्षीहरु मतदानमा जान तयार देखिएका छन् ।

जिल्ला कमिटीको सचिवालयलाई सहमतिबाट नेतृत्व चयन गर्ने अधिकार दिइएको अध्यक्ष हरिकृष्ण श्रेष्ठले बताउनुभयो । अहिले पार्टी कार्यालयमा सचिवालय बैठक बसिरहेको छ । बैठकमा सहमतिको प्रयास भइरहेको छ अध्यक्ष श्रेष्ठले भन्नुभयो, कुनैपनि हालतमा चुनाव हुँदैन, सचिवालयले गर्ने निर्णयमा सवै आकांक्षीहरु सहमत हुनुपर्छ । अध्यक्ष देखि पदाधिकारी तहका सवै पदहरुमा सचिवालय मार्फतनै चयन गरिने बताइएको छ ।

जिसी नगर कमिटी पूर्व अध्यक्ष र केसी जिल्ला कमिटिको लेखासमितिको संयोजक हुनुहुन्छ । युवाहरुलाई परिचालन गर्न र नेतृत्व गर्न सिपालु जिसी निर्माण व्यवसायी संघ म्याग्दीका अध्यक्ष समेत हुनुहुन्छ । पार्टीको कुनै पनि ओहदामा नहुँदा पनि आफुले निरन्तर पार्टीलाई सहयोग गरिरहेको र पार्टीको हरेक गतिविधिमा सक्रिय भएर लागेका कारण नै नेतृत्व लिन खोजेको जिसीको भनाई छ ।

नगरपालिकामा पार्टीलाई शसक्त बनाउनका लागि योजनाबद्ध तरिकाले लाग्ने गरि नेतृत्व लिन चाहेको जिसीले बताउनुभयो । अध्यक्षका अर्का आंकाक्षी केसीले भने नेतृत्वले जे निर्णय गर्छ त्यसलाई स्वीकारर्ने बताउनु भएको छ । पार्टीले जे जिम्मेवारी दिन्छ त्यो सहज स्वीकार्छु उहाँले भन्नुभयो ।

Related posts

लोप हुने अबस्थामा “सुनीमाया” गीत

दुइ पुराना सक्रिय संक्रमीत सहित म्याग्दीमा १६ जनामा कोरोना संक्रमण पुष्टि

धवलागिरीको नीति तथा कार्यक्रम पारित

बागलुङमा भिरबाट लडेर दुई जनाको मृत्यु

गायक सज्जन बोहोराको ‘बनचरी’ सांगीतिक बजारमा (भिडियो सहित)