शनिवार राती कोरोना संक्रमीत विरामी लाइ यातायात सेवा दिन प्रयोग गरीएको मंगला गाउँपालिकाको गाडि तोडफोड भएको छ । मंगला गाउँपालिका कै एक कोरोना संक्रमित विरामीको स्वाथ्य अवस्थामा समस्या भए पछि सदरमुकाम बेनी स्थीत बेनी अस्पतालमा पु¥याएर मंगला गाउँपालिकाको कार्यालयमा फर्किदै गरेका ग १ झ ४१६ नम्बरको गाउँपालिकाको गाडि तोडफोड भएको जिल्ला प्रहरी कार्यालय म्याग्दीका प्रमुख तथा प्रहरी नायव उपरीक्षक स्याम कुमार राईले बताउनु भयो ।

गाउँपालिकाका चालक रामु गीरी र मंगला गाउँपालिकाका स्वाथ्य संयोजक लेखनाथ रोका विरामीलाइ बेनी अस्पतालमा पु¥याएर फर्किदै गर्दा मंगला गाउँपालिका २ सिमचौरमा सोही स्थानका स्थानीय बासीन्दा ३५ बर्षीय रमेश बाँनिया र २६ बर्षिय जिवन बाँनियाले गाडिमा आक्रमण गरी तोडफोड गरेको प्रनाउ राईले बताउनु भयो । उनिहरुले गाडि माथि आक्रमण गर्नुका साथै गाडिका चालक गिरी माथि समेत आक्रमण गरेका थिए ।
गाउँपालिकाका अध्यक्ष, उपाध्यक्ष सहित कर्मचारीले प्रयोग गर्ने गरेको उक्त गाडि पालिका भित्र कोरोना माहामारीका विरामी बोक्न अस्थाई एम्बुलेन्स्का रुपमा सञ्चालनमा ल्याईएको थियो । सोही गाडी मार्फत पालिकाले कोरोनाका विरामी लाइ अस्पताल पु¥याउँदै आएको मंगला गाउँपालिकाको उपाध्यक्ष सिर्जना केसीले बताउनु भयो । गाडि तोफोड गर्ने दुवै जनालाई नियन्त्रणमा लिई घटना माथि थप अनुसन्धान भै रहेको जिल्ला प्रहरी कार्यालय म्याग्दीले जनाएको छ ।

Related posts

बागलुङका दलित समुदायको पीडाः दुग्ध सहकारीले नै किन्दैन, भन्छन् दूध बेच्ने रहर छ, छोइन्छ भन्छन् बिक्दैन

मालिकाको दरवाङमा सुआहाराको कार्यशाला गोष्ठी

पहिरोको उच्च जोखिममा रहेका सुवाका १० परिवारलाई सुरक्षित स्थानमा सारियो

तल बेनी बजार माथि मल्लाजको धुरी बोलको गित बजारमा

सुनको मूल्यमा नयाँ रेकर्डस् प्रतितोला २ हजारले बढ्यो