काठमाडौँ — भदौ ३ गते देखि काठमाडौं उपत्यकामा लागू गरिएको निषेधाज्ञा खोलिने तयारी गरिएको छ । कोरोना महामारीका कारण जन–जिवन कष्टकर बनिरहेको अवस्थामा सरकारले सर्त राखेर उपत्यकामा निषेधाज्ञा खोल्ने तयारी गरिएको हो । यातायात र व्यापाररव्यवसाय क्षेत्रका लागि निषेधाज्ञा बिहीबारदेखि खुल्ने भएको छ । सार्वजनिक र निजी यातायातमा जोरबिजोर लागू गर्ने र व्यापारव्यवसायलाई शर्तसहित खोल्न दिने काठमाडौंका प्रमुख जिल्ला अधिकार जनकराज दाहालले बताए भयो । अन्य क्षेत्रका लागि भने भदौ ३१ गतेसम्म निषेधाज्ञा जारी रहने छ ।

उपत्यकाका तीनै जिल्लाका प्रमुख जिल्ला अधिकारीहरुले आधिकारिक निर्णय सार्वजनिक गर्ने तयारी गरिररहेको छन् । व्यापार व्यवसाय खोल्न दिने शर्तहरु बारे औपचारिक निर्णयमा विस्तृतमा खुलाइने दाहालले बताए । तर काठमाडौं उपत्यका प्रवेश गर्ने सवारीसाधनहरुका लागि भने पहिलेकै प्रावधान लागू गरिनेछ । शैक्षिक संस्था, फिल्म हल र जिमखाना लगायत यसअघि बन्द गरिएका क्षेत्र नयाँ निर्णय नभइन्जेल बन्द नै रहने छन् । उपत्यकाका तीनै जिल्ला प्रशासनले लगाएको निषेधाज्ञाको अवधि बुधबार मध्यरातसम्म छ ।

Related posts

मोना नागोयाको अध्यक्षमा राम बहादुर किसान चयन

महिला संघ बेनी नगर समितिको सभापतिमा संगिता श्रेष्ठ

२४ घण्टामा १३५१ कोरोना संक्रमित थपिए, ७४२ डिस्चार्ज

बेनी–जोमसोम सडकको काभ्रेभीरमा दैनिक तीन घण्टा सडक बन्द हुने

गठबन्धनको अन्तिम चुनावी सभा दोवामा मतको सदुपयोग गछौँः गर्वुजा