म्याग्दी । नेपाल आदिवासी जनजाति पत्रकार महासंघ (फोनिज), म्याग्दी शाखाको अध्यक्षमा धनिलाल गर्बुजा चयन हुनुभएको छ । मङ्गलबार बेनीमा सम्पन्न दोस्रो अधिवेशनबाट गर्बुजा अध्यक्ष पदमा सर्वसम्मत चयन हुनुभएको हो ।

कार्य समिति उपाध्यक्षमा दलप्रसाद तिलिजा, सचीवमा गणेश गुरुङ (सुरेन), कोषाध्यक्षमा बिनोद पुर्जा र सहसचिवमा दिपा बुढाथोकी चयन हुनुभएको छ । यसैगरी सदस्यहरुमा लिलकुमारी पुर्जा मगर, मनु थापा मगर, गुनबहादुर पुन मगर रहनुभएको निवर्तमान अध्यक्ष साधन राम्जालीले जानकारी दिनुभयो ।

प्रदेश प्रतिनिधिमा सुदर्शन कुमार श्रेष्ठ र हिरामोती जुग्जाली तथा सङ्घीय प्रतिनिधिमा साधन राम्जाली र गुनबहादुर पुन रहनुभएको छ । अध्यक्ष गर्बुजा म्याग्दीन्युज डटकम र फेवा टेलिभिजन संवाददाता हुनुहुन्छ ।

फोनिज गण्डकी प्रदेश इञ्चार्ज एमवी आस्था मगरले अधिवेशनको उद्घाटन गर्दै फोनिजले जनजातीपत्रकारहरुको हित, क्षमता बिकास र प्रोत्साहनको लागि फोनिजले काम गर्नुपर्ने बताउनुभयो ।

राज्यका निकायले फोनिजको महत्व बुझेर साथ दिनुपर्ने उहाँले धारणा राख्नुभयो । यसैगरी फोनिज गण्डकी प्रदेश अध्यक्ष रुद्र श्रीस मगर, नेपाल पत्रकार महासंघ म्याग्दीका उपाध्यक्ष तथा म्याग्दी मिडिया सोसाइटी अध्यक्ष अमितविश्वकर्मा, फोनिज बागलुङका अध्यक्ष डम्मर बुढा मगरलगायतले बोल्नुभएको थियो ।

Related posts

म्याग्दीमा तत्काल विद्यालय बन्द नगरिने

आफन्तकोमा बसेर फर्किएको परिवारमध्ये सानीको परिवारका १ जनाबाहेक सबैलाई पहिरोले यो साल पनि कट्न दिएन

माओवादी गण्डकी प्रदेशको अध्यक्षमा गुरुङ, म्याग्दीबाट ११ जनाको प्रतिनिधित्व

मोना कतारको रमाईलो तिज कार्यक्रम सम्पन्न

नेत्र ज्योति संघ म्याग्दी द्वारा जेष्ठ नागरिकको आँखा परिक्षण