बुधबार, भदौ २६, २०८१
क्षत्री समाज म्याग्दीको प्रस्तुतीमा तीज गीत ‘कि छेक्यो डाडैले’ सार्वजनिक
म्याग्दी । क्षत्री समाज म्याग्दीको प्रस्तुतीमा हरितालिका तीज विशेष गीत सार्वजनिक भएको छ । म्याग्दीका लोक दोहोरी गायक देवेन्द्र घिमिरे, ध्रुव जिसी, निर्मल जिसी र उर्मिला थापाको स्वरमा रहेको गीतको म्युजिक भिडियो क्षत्री समाज म्याग्दी युटुव च्यानलबाट सार्वजनिक भएको हो ।
छवि सुवेदीको शव्द, निर्मल जिसीको लय सृजनामा रहेको गीतको संगीत संयोजन किसोर सुवेदीले गर्नुभएको हो । बेनीमा छायाँकन गरिएको गीतको भिडियो निर्देशन एकराज अधिकारीले गर्नुभएको हो ।
भिडियो छायाँकन तथा सम्पादन किस्मत इन्टरटेन्मेन्टले गरेको हो । गीतको अडियो तथा भिडियोको संयोजन क्षत्री समाजका सदस्य भिम कुमारी भण्डारीले गर्नुभएको थियो भने व्यवस्थापन राष्ट्रिय लोक तथा दोहोरी गीत प्रतिष्ठान म्याग्दीले गरेको हो ।
गीतको म्युजिक भिडियोमा क्षत्री समाजका महिला दिदीवहिनीहरु आफ्नो जातीय पहिचान झल्किने पोसाकमा प्रस्तुत हुनुभएको छ । मोडल सुनिल बानियाँ, एलिना थापा लगायतले अभिनय गरेको गीतमा तीजको वास्तविकता र मौलिकता झल्काईएको छ । नेपाली मौलिक लोक गीतको संरक्षणका लागि हरितालिका तीज विशेष गीत प्रस्तुत गरिएको क्षत्री समाज म्याग्दीका अध्यक्ष लक्ष्मी कार्कीले बताउनुभयो ।
Related posts
