म्याग्दी । बेनीमा रहेको ग्रीन डेभलपमेन्ट बैंकले घरमा नै पुगरे बृद्धबृद्धाहरुलाई सामाजिक सुरक्षा भत्ता वितरण गरेको छ । बेनी नगरपालिका –१० पात्लेखेतमा घरदैलोमै सामाजिक सुरक्षा भत्ता वितरण गरिएको हो ।
ग्रीन डेभलपमेन्ट बैंक मार्फत सामाजिक सुरक्षा भक्ता वितरण हुँदै आएको यस वडामा जेष्ठ नागरिकहरुको सहजताका लागि गाउँमै पुगेर भत्ता वितरण गरिएको हो ।
वडा कार्यालय र बैंकको समन्वयमा भत्ता लाभग्राहीहरुलाई पात्लेखेत स्थित वडा कार्यालयबाट भत्ता उपलब्ध गराईएको बैँकका शाखा प्रवन्धक प्रदिप खत्रीले बताउनुभयो ।
बजार पुग्नका लागि खर्च हुने र अशक्त ब्यक्तिहरुलाई समस्या हुने गरेकोले वडाबाट नै भत्ता वितरण गर्न थालिएको वडा अध्यक्ष मस्बिर रोकाले जानकारी दिनुभयो ।
सोमवार भत्ता वितरण गरिएकोमा १७० जनाले लाभ लिएको बैंकका कर्मचारी अनिल पौडेलले जानकारी दिनुभयो ।