म्याग्दी । म्याग्दीको अन्नपूर्ण गाउँपालिका १ दोवाको वडा अध्यक्षमा नेकपा एमालेका दिलिप कुमार गर्बुजा बिजयी हुनुभएको छ ।

शनिबार पोखरेवगरमा भएको मतगणनाको मतपरिणाम अनुसार दोवामा गर्बुजा सहित एमालेको प्यानलनै बिजयी भएको हो । गर्वुजाले ३३२ मत प्राप्त गर्नुभएको हो भने उहाँका निकटतम प्रतिद्वण्डी नेपाली काँग्रेसका भविन्द्र गर्बुजाले २२८ मत प्राप्त गर्नुभएको निर्वाचन अधिकृत जानुका सुवेदीले जानकारी दिनुभयो ।

वडा अध्यक्षमा मंगोलका उम्मेदवारले ६ मत प्राप्त गरेका छन । त्यस्तै वडा महिला सदस्यमा जुनकुमारी पूर्जा ३३४, दलित महिला सदस्यमा शोभा विक ३१४, खुल्ला सदस्यमा गोविन चोचाङ्गी ३३० र विर्ख बहादुर पूर्जा ३३३ मतका साथ बिजयी हुनुभएको अधिकृत सुवेदीले बताउनुभयो ।

दोवामा २०७४ सालको निर्वाचनमा पनि अध्यक्षमा गर्बुजा सहित एमालेको प्यानलनै विजयी भएको थियो । दोवाका मत गन्ने बेला सम्म पालिका अध्यक्षमा एमालेले ३४१, काँग्रेसले २२१ र मंगोलले ८ मत प्राप्त गरेको छ । त्यस्तै उपाध्यक्षमा एमालेले ३४०, काँग्रेसले २२५ र मंगोलले ६ मत प्राप्त गरेको निर्वाचन अधिकृतको कार्यालयले जनाएको छ ।

Related posts

म्याग्दीमा ८६५ जना भूमिहिनको तथ्याङ्क संकलन गरियो

उद्योग व्यवसाय महासंघ बेनी नगरको अध्यक्षमा रिजाल

मिजार समाज म्याग्दीद्वारा प्रकाशित भित्तेपात्रो विमोचन

बाबियाचौरमा प्रथम नर बहादुर भट्टचन स्मृति भलिबल प्रतियोगिता सुरु

म्याग्दीमा ३० औं मदन–आश्रित स्मृति दिवस मनाइयो