जिल्लाको रघुगंगा गाउँपालिका २ भगवतीमा कोल्डस्टोर्स बनाइने भएको छ । रघुगंगा गाउँपालिकाले संघीय सरकारसँग सहकार्य गरेर एककरोड रुपैयाँ लागतमा कोल्डस्टोर्स बनाउन लागेको हो ।

कोल्डस्टोर्स बनाउन संघीय सरकारले ५० लाख र गाउँपालिकाले ५० लाख गरी एककरोड रुपैयाँ लागतमा कोल्डस्टोर्स निर्माणको आवश्यक प्रक्रिया थालिएको गाउँपालिकाका प्रमुख प्रशासकीय अधिकृत अमृत सुवेदीले बताउनुभयो । कोल्डस्टोर्सका लागि वडा कार्यालय नजिक बाहुनचौरमा एक रोपनी जग्गा व्यवस्थापन भई सर्वेको काम भइरहेको उहाँले बताउनुभयो ।

पिप्ले,भगवती,बेगखोलाका किसानहरुले उत्पादन गरेको सुन्ताला,केरा र आलुलाई स्टोर गरेर बमौसमी सिजनमा बजारमा पु¥याउने उद्देश्यले कोल्डस्टोर्स निर्माण गर्न लागिएको गाउँपालिकाले जनाएको छ ।

कोल्डस्टोर्स बनेपछि किसानले सिजनका समयमा उत्पादन गरेका कृषि उपजलाई स्टोर गरी बेमौसमी सिजनमा बजारमा पु¥याई राम्रो मुल्य पाउने अपेक्षा गरिएको प्रमुख प्रशासकीय अधिकृत सुवेदीले बताउनुभयो । कोल्डस्टोर्स निर्माण भएपछि किसानले उत्पादन गरेको कृषि उपजलाई सस्तोमा विक्री गर्नुपर्ने बाध्यता हट्ने र किसानको आर्थिक अवस्थामा पनि सुधार आउने विश्वास गरिएको छ । यसैगरी वडा नम्बर ६ पाखापानीमा पोट्रेवल कोल्डच्याम्बर बनाइने गाउँपालिकाले जनाएको छ ।

संघीय र गाउँपालिकाको गरी २२ लाख रुपैयाँ लागतमा एकवर्ष भित्रमा उक्त कोल्डच्याम्बर निर्माण गरिने प्रमुख प्रशासकीय अधिकृत सुवेदीले जानकारी दिनुभयो । आलु पकेट क्षेत्र झिँ,पाखापानी र कुइनेमंगलेका किसानहरुलाई लक्षित गरी कोल्डच्याम्बर निर्माण गर्न लागिएको उहाँले बताउनुभयो । दुवै स्थानमा निर्माण हुने कोल्डस्टोर्सको डिजाइन स्टिमेटको काम अगाडी बढेको उहाँले बताउनुभयो ।

Related posts

दग्नाम–दर्मिजा–चिमखोला सडकको उद्घाटन

रघुगंगामा तेस्रो राष्ट्रपति रनिङ शिल्ड प्रतियोगिता सुरु

होटल तथा सुपर मार्केट अनुगमन

प्रदेश स्तरीय महिला भलिबलमा म्याग्दी प्रथमः लगातार तेस्रो पटकको जित

म्याग्दीमा मुख्य निर्वाचन अधिकृतको कार्यालय स्थापना