म्याग्दी । म्याग्दीको धवलागिरी गाउँपालिका २ मरेनीमा पहिरोले बगाएको लघुजलबिद्युत परियोजनाको संरचना मर्मत नहुदाँ लुलाङ्गबासी अन्धकारमा बस्न बाध्य भएका छन । गत भदौ २० गते बाढीले बगाएको परियोजना मर्मत हुन नसक्दा वडाबासी समस्यामा परेका हुन र लमसुङ्ग स्थित मरेनीको फेदीमा रहेको ४३ किलोवाट क्षमताको दरखोला दोस्रो लघुजलविद्युत परियोजना दर खोलामा आएको बाढीले बगाएको थियो । परियोजनाको बिद्युत गृह, मुहानको बाँध,पोल, इएलसी बोर्ड, जेनेरेटर लगाएतका संरचना बगाउँदा करिव ३० लाखको क्षति भएको परियोजनाका सचिव लाल बहादुर खड्काथोकीले बताउनुभयो । ३ महिना बितिसक्दा पनि बिद्युत मर्मत नहुदा  स्थानीयबासीले रातीको समयमा टुकी बालेर गुजारा चलाएका छन ।

बिद्युत आपुर्ती बन्द हुँदा वडा नम्बर २ स्थित खोरीया ,लुलाङ्ग ,लमसुङ्ग लगायतका ३५४ घरधुरी प्रभावित भएका छन् । लघुजलविद्युत परियोजना मर्मत नहुदाँ विद्युतको माध्यमबाट संचालन हुने चार वटा मिल, १ वटा फर्निचर ,बेकरी उद्योग ,मासु पसल, र मोवाइल सेवा समेत प्रभावित भएका छन् । विद्यार्थीलाई समेत पठनपाठनमा समस्या उत्पन्न भएको स्थानीय ज्ञान बहादुर पाइजाले बताउनुयभो ।

यस अघि २०७३ मा पहिरोले जुगेपानि स्थित २५ किलोवाट क्षमताको विद्युतगृह बगाएपछि सोही परियोजनालाई २०७५ मा मरेनीको फेदीमा निर्माण गरिएको हो । गाउँपालिकाको ५० लाख र बैकल्पिक उर्जा प्रर्बद्धन केन्द्रको ८५ लाख रुपैयाँ तथा स्थानीयको श्रमदानमा मरेनीको फेदीमा २०७५ देखी पुनर्निर्माण सूरु गरिएको परियोजना २०७६ कार्तिकमा सम्पन्न भई विद्युत सुचारु भएको थियो ।

बिद्युत पुनर्निर्माण भएको साढे दुई बर्ष नबित्दै बाढीले विद्युतगृह बगाएपछि स्थानीयबासी थप चिन्तित बनेका छन् । विद्युत गृह ,कुलो ,बाँध र पोल बगाउँदा एक करोड ५० लाख रुपैयाँ बढीको आर्थिक क्षती भएको छ । परियोजना मर्मत तथा पुनर्निर्माणका लागि भौगोलिक अवस्थाको बारेमा सर्भे गरिएको छ ।

परियोजनाको पुनर्निमाण ओसिएन कम्पनीले गरेको थियो । परियोजना पुननिर्माणका लागि गाउँपालिकाबाट दश लाख र प्रदेश सरकार निर्वाचन क्षेत्र पुर्वाधार विकास कार्यक्रमबाट दश लाख गरी २० लाख रुपैयाँ बजेट विनियोजन गरिएको गाउँपालिका अध्यक्ष थमसरा पुनले बताउनुभयो । परियोजना पुर्ननिर्माणको लागि १८ लाख रुपैयाँ लागत अनुमान गरिएको छ । आगामी दुई महिना भित्रमा परियोजना पुनर्निर्माण गरिने गाउँपालिकाले जनाएको छ ।

Related posts

 नेपालि काँग्रेसको १४औँ महाधिवेशन आजदेखि

मिति गुज्रेको सामानलाई नयाँ प्याकेजिङ गर्ने गोदाममा छापा, तीन करोडको सामान जफत

दरबाङको अल्काचौरमा प्राथमिक आँखा उपचार शिविर

म्याग्दीमा दुई बर्षयता १८ बलत्कार, बलतकृत हुने मध्य १० वालवालिका

गण्डकी प्रदेश स्तरीय तेक्वान्दो प्रतियोगितामा म्याग्दीकी ममता गर्वुजा प्रथम