म्याग्दी । नेकपा एमाले म्याग्दीले मालिका गाउँपालिकाको ५ वटा वडामा प्रथम अधिवेशन सम्पन्न गरेको छ । शनिबार मालिका गाउँपालिका १ निस्कोटमा याम बहादुर पुनको अध्यक्षतामा २३ सदस्यीय वडा कमिटि गठन भएको छ । कमिटिको उपाध्यक्षमा कुल बहादुर घर्ति मगर, सचिवमा झकमान पुन, उपसचिवमा सपना घर्ति र मकर बहादुर पुन चयन हुनुभएको छ ।

वडा नं ३ डाँडागाउँमा बल बहादुर बुढाको अध्यक्षतामा १५ सदस्यीय वडा कमिटि गठन भएको छ । कमिटिको उपाध्यक्षमा ओमदेवी खत्री, सचिवमा रिया सिउँथानी, उपसचिवमा चन्द्र बहादुर बुढाथोकी र रोशन रोका चयन हुनुभएको छ ।

वडा नं ४ ओखरबोटमा गोबिन्द कँडेल अध्यक्ष, दल प्रसाद श्रीपाली उपाध्यक्ष, दिनेश पुन सचिव, रमन घर्ति मगर र चिन्तामणी गुरुङ्ग उपसचिव रहेको वडा कमिटि गठन भएको जिल्ला कमिटि सदस्य खरमाया बिटालुले जानकारी दिनुभएको छ ।

त्यस्तै वडा नं ६ को अध्यक्षमा तारामान रोका चयन हुनुभएको छ । २५ सदस्यीय वडा कमिटिको उपाध्यक्षमा अनिल पुर्जा, सचिवमा सौगात गुरुङ्ग, उपसचिवमा धन बहादुर रोका र रतिमाया किसान रहनुभएको छ । वडा नं ७ मा टुकलाल चोचाङ्गे अध्यक्ष, बिर बहादुर जुग्जाली उपाध्यक्ष, कुमार जुग्जाली सचिव, पुर्ण जुग्जाली र सन्दिप जुग्जाली उपसचिव रहेको वडा कमिटि गठन भएको छ । मालिकाको वडा नं २ र ५ को अधिवेशन आइतबार सम्पन्न गरिने बिटालुले बताउनुभएको छ ।

त्यस्तै धौलागिरी गाउँपालिकाको ३ वटा वडामा शनिबार अधिवेशन सम्पन्न भएको छ । वडा नं ३ मुनामा बिष्णु भण्डारीको अध्यक्षतामा ३१ सदस्यीय वडा कमिटि गठन भएको छ । कमिटिको उपाध्यक्षमा पुर्खाराम पुन, सचिवमा लोकेन्द्र बुढा, सहसचिवमा बल बहादुर गर्बुजा र गंगा पुन चयन हुनुभएको धौलागिरी गाउँपालिकाका उपाध्यक्ष रेशम छन्त्यालले जानकारी दिनुभएको छ ।

वडा नं ४ मुदीमा गणेश घर्तिको अध्यक्षतामा ३१ सदस्यीय वडा कमिटि गठन भएको छ । कमिटिको उपाध्यक्षमा चतनरसिं घर्ति मगर, सचिवमा देविना घर्ति, उपसचिवमा गंगा घर्ति र कुल बहादुर घर्ति चयन हुनुभएको राष्ट्रिय युवा संघ नेपाल म्याग्दीका उपाध्यक्ष बिजय घर्ति मगरले जानकारी दिनुभयो ।

वडा नं ७ मा कलानिधि शर्मा अध्यक्ष, खिम बहादुर थापा उपाध्यक्ष, तेजेन्द्र थापा सचिव, टेक केसी र ओम प्रकाश केसी उपसचिव रहेको वडा कमिटि गठन भएको छ । बाँकी वडाहरुमा कार्तिक ७ र ८ गते अधिवेशन सम्पन्न गरिने एमाले म्याग्दीले जनाएको छ ।

Related posts

चिकित्सक र स्वास्थ्यकर्मीमा कोरोना संक्रमणा देखीएपछि बेनी अस्पतालमा आकस्मिक बाहेकका सेवा बन्द

पालिका केन्द्रित म्याग्दीका दलहरु

हिमपहिरोमा पुरिएका छन्त्याल अझै फेला परेनन्

जलजलाको दोस्रो आवधिक योजनाको मस्यौदा तयार

एक म्याग्देलीको काठमाण्डौमा कोरोना संक्रमणबाट निधन