शनिबार, साउन १२, २०८१
मंगलाको अर्मन स्वास्थ्य चौकीलाई इसिजी मेसिन सहयोग
सिजन रोका
बाबियाचौर, १२ असोज । म्याग्दीको मंगला गाउँपालिका १ निबासी कृष्ण बहादुर शेरपुन्जाले दक्षिण कोरियामा संकलन गर्नुभएको रकमले अर्मन स्वास्थ्य चौकीलाई १२ लिड इसिजी मेसिन सहयोग हस्तान्तरण गरिएको छ ।
सोमबार एक कार्यक्रमका बिच शेरपुन्जाका बुवा बल बहादुर शेरपुन्जाले गाउँपालिका अध्यक्ष सत प्रसाद रोकाको उपस्थितिमा अस्थायी कोभिड अस्पताल मंगलाका डा. रोशनी पुर्जालाई हस्तान्तरण गर्नुभएको हो ।
हाल दक्षिण कोरियामा रहनुभएका शेरपुन्जाको नेतृत्वमा त्यहाँ रहेका मंगलाबासीहरुबाट संकलन भएको रु २ लाख २४ हजार ५ सय ११ रुपैयाँ मध्य १ लाख ७० हजारमा उक्त मेसिन खरिद गरिएको थियो । बाँकी रहेको ५४ हजार ५ सय ११ रुपैयाँ रकम स्वास्थ्य सामाग्री तथा मेसिन औजार खरिदमा प्रयोग गर्ने गरि स्वास्थ्य चौकीलाई नै प्रदान गरिएको छ ।
कार्यक्रममा बोल्दै गाउँपालिका अध्यक्ष सत प्रसाद रोकाले स्वास्थ्य चौकीलाई प्राप्त भएको इसिजी मेसिनको सहि सदुपयोग गर्ने अनुरोध गर्नुभयो । साथै चौकीमा अन्य अत्यावश्यक स्वास्थ्य सामाग्रीहरु पनि ब्यबस्था गर्न लागेको भन्दै छिट्टै नै गाउँपालिका मार्फत एक्सरे सेवा पनि संचालन हुने बताउनुभयो ।
डा.रोशनी पुर्जाले इसिजी मेसिन सहयोग उपलब्ध गराएकोमा शेरपुन्जा परिवार लगाएत सम्पुर्ण सहयोगी दाताहरुलाई आभार प्रकट गर्दै मेसिनको प्रयोगले मुटु सम्बन्धी समस्या भएका मंगलाबासीलाई धेरै सहज हुने बताउनुभयो ।
गाउँपालिका अध्यक्ष रोकाको अध्यक्षतामा भएको कार्यक्रममा स्वास्थ्य संयोजक लेखनाथ रोका मगर र वडा सदस्य चक्रलाल पाण्डे राजुको उपस्थिति रहको थियो । गाउँपालिका सुचना अधिकारी राजेन्द्र आचार्यको संचालनमा कार्यक्रम सम्पन्न भएको थियो ।
सहयोग दाताहरुको विवरण
Related posts
