शुक्रबार, असोज १८, २०८१
छाप युवा क्लवद्वारा सडक बत्ती जडान
म्याग्दी । म्याग्दीको बेनी नगरपालिका वडा नम्वर ६ स्थित छाप युवा क्लवले सडक बत्ती जडान गरेको छ । क्लवले शनिवार छापको जरबुटादेखि राम्चे सम्मको सडकममा १६ वटा बत्ती जडान गरेको हो ।
रातीको समयमा बस्तीभित्र हुनसक्ने चोरी, डकैती तथा लुटपाटका घटनाहरुको जोखिम कम गर्न उक्त स्थानमा सडक बत्ती जडान गरिएको क्लवका अध्यक्ष पुस्कल खत्रीले जानकारी दिनुभयो ।
क्लवको लगानीमा बत्ती खरिद गरि क्लवकै सदस्यहरुले जडान गरेका हुन । उक्त बत्तीको विद्युत महशुल समेत मासिक रुपमा क्लवले नै तिर्ने अध्यक्ष खत्रीको भनाई छ । उक्त स्थानमा बत्ती जडान भएपछि रातीको समयमा हिडडुल गर्न सहज भएको स्थानीयको भनाई छ ।
जोखिमयुक्त ठाउँहरुमा बत्ती जडान कार्यलाई निरन्तरता दिईने क्लवले जनाएको छ । खेलकुद तथा सांस्कृति विकास संगै विभिन्न सामाजिक क्षेत्रमा पनि छाप युवा क्लवले सक्रियताका साथ काम गर्दै आएको छ ।
Related posts
