बुधबार, माघ ३०, २०८१
बालसंगठनमा बसेर पढेकी रिमा लाई उच्च शिक्षा अध्ययन गर्न समस्या
सानै उमेरमा आमाको मृत्यू भए सँगै घरमा भएका सुस्त मनस्थितीको बुबा हुदाँ हुदै पनि अनाथ जस्तै भएकी रिमा पाण्डेलाई उच्च शिक्षा हाँसिल गर्न समस्या परेको छ । मंगला गाँउपालिका १ पुर्ण गाउँ घर भएकी रिमाले म्याग्दी सदरमुकाम बेनीमा बाल संगठनद्धारा सञ्चालित बाल गृहमा बसेर नर्सरी देखि कक्षा १० सम्म माउण्ट एभरेष्टमा अध्ययन गरीन ।
अध्ययनमा अब्बल रहे पनि आर्थिक समस्याका कारण थप उच्च शिक्षा हासिल गर्न गाह्रो भएको उनले बताइन् । अब बाल गृह छाड्नु पर्छ त्यसपछि खै कसरी कहाँ पढ्ने त्यस बारेमा आफुलाई कुनै जानाकारी पनि छैन । पढ्ने ठुलो धोका छ तर आर्थिक अभावका कारण कसरी पढ्ने भनेर आँखा रसाउने गर्छन् उनले भनिन् ।
घरमा आपाङ्गता भएका बुबा र बेनीमा एक होटलमा काम गरी जिवीको पार्जन गर्दै आएका दाई हुनुहुन्छ । दाई पनि बल्ल तल्ल ७÷८ हजार महिनामा कमाउनु हुन्छ । त्यती पैसाले दाइृ आफैलाई पुग्दैन म खै कसरी पढ्ने । बाल गृहमा बस्दा खान बस्नको र पढ्नका लागि कुनै समस्या परेको थिएन तर अहिले बाल गृहबाट निस्कीदाँ एकै पटक ठुलो समस्या थपिएको छ भन्दै गर्दा उनका आँखा रसाए । पढ्न मन छ, खै कसरी पढ्ने, कसैले सहयोग गरेर पढ्ने वातावरण मिले पढ्ने धोका छ रिमाले भनिन् ।
बाल संगठन म्याग्दीका अध्यक्ष राजेश शाक्यले वाल संगठनले अहिले सम्म अध्ययन गराए पनि थप उच्च शिक्षा हासिल गर्नका लागि आफन्तको जिम्मा लगाउने गरेको बताउनु भयो । उहाँले उनलाई खान बस्नको व्यवस्थापन हुन सके उच्च शिक्षा हासिल गर्दा विद्यालय, क्याम्पसमा तिर्नुपर्ने खर्चको व्यवस्थापन आफुले गर्ने बताउनु भयो ।
सानै उमेरमा आमाको मृत्यू भए पछि गाउँलेको सहयोगमा रिमालाइृ बाल संगठनमा राखिएको थियो । बाल संगठनमा बसेर उनले एसईई पास गरीन् । अध्ययनमा रुचि राख्ने उनि उच्च शिक्षामा व्यवस्थापन विषय लिएर अध्ययन गर्ने धोका रहेको बताउँछिन् । अध्ययन गरेर सफलता प्राप्त गरेपछि अनाथ वालवालिकाको क्षेत्रमा काम गर्ने इच्छा रहेको बताउँदै आर्थिक समस्याका कारण आफ्नो उद्देश्य माथि तुसारापात पर्न गएको उनको भनाइ छ ।
उनलाइ सहयाेग गर्नका लागि ९८५७६२४६०१ वा ९८६७७४३९८० मा सम्पर्क गर्न सक्नु हुन्छ ।
Related posts
