शनिबार, वैशाख ८, २०८१
जनयुद्ध दिवसको अवसरमा बेनीमा सहिद स्मृति भवनको शिलान्यास
म्याग्दी १ फागुन । नेकपा ९माओवादी केन्द्र ० म्याग्दीले २७ औँ जनयुद्ध दिवसको अवसरमा बेनीमा सहिद मदन स्मृति भवनको शिलान्यास गरेको छ । बेनी नगरपालिका–७ मारानथानमा पार्टीको जिल्ला कार्यालय भवन निर्माण गर्न लागिएको हो ।
जनयुद्ध दिवसको अवसर पारेर आयोजित कार्यक्रममा जनयुद्धमा म्याग्दीका सहिद मदन केसीका आमा खिमकुमारी केसीले भवनको शिलान्यास गर्नुभएको हो । भवनको शिलान्यासमा जिल्ला संयोजक तथा सहिद परिवारका सदस्य रेशम जुग्जाली, सहित परिवारका सदस्य गणेश सुवेदी, जिल्ला इन्चार्ज गोविन्द पौडेल, गण्डकी प्रदेश सभा सदस्य विनोद केसी लगायतको सहभागीता रहेको थियो ।
भवनको शिलान्यास कार्यक्रममा बोल्दै जिल्ला इन्चार्ज पौडेलले जनयुद्धमा म्याग्दीबाट ज्यान गुमाउने सबै सहिदहरुको स्मृतिको प्रतिकको रुपमा पार्टी कार्यालय भवन निर्माण गर्न लागिएको बताउनुभयो । उहाँले माओवादी जनयुद्धको बलमा प्राप्त उपलब्धीहरुलाई मास्न विभिन्न प्रतिकृयावादी शक्तिहरु जुर्मुराएको बताउँदै प्राप्त उपलब्धीको रक्षाका निम्ती निरन्तर खवरदारी जरुरी रहेको बताउँनुभयो ।
माओवादी जनयुद्धमा जिल्लाबाट ७८ जनाले ज्यान गुमाएका थिए ।पार्टीका नेता तथा कार्यकर्ताहरु र शुभेच्छुकहरुबाट आर्थिक संकलन गरि भवन निर्माण गर्न लागिएको जिल्ला संयोजक जुग्जालीले जानकारी दिनुभयो । उहाँका अनुसार, आगामी तीन महिनाभित्र भवन निर्माण सम्पन्न गर्ने लक्ष्य राखिएको छ । रु ३४ लाख लागतमा जग्गा खरिद गरि दुई तले पार्टी कार्यालय भवन निर्माण गर्न लागिएको हो । भवन निर्माणको लागि रु ४० लाख लागन अनुमान गरिएको निर्माण समितिका संयोजक नगेन्द्र केसीले जानकारी दिनुभयो ।
भवन निर्माणमा गण्डकी प्रदेश सभा सदस्य विनोद केसीको सिफारिसमा निर्वाचन क्षेत्र पूर्वाधार विकास कार्यक्रम मार्फत रु ३५ लाख बजेट विनियोजन भएको छ । बेनीमा कोठा भाडामा लिएर पार्टी कार्यालय सञ्चालन हुँदै आएकोमा पार्टी कार्यालयलाई व्यवस्थित रुपमा सञ्चालन गर्न आफ्नै पार्टी कार्यालय भवन निर्माण गर्न लागिएको जनाइएको छ ।
पार्टी कार्यालयको भवनका लागि जग्गा खरिद र भवन निर्माणमा सहयोगार्थ अहिलेसम्म रु ४१ लाख बोल रकममध्ये १४ लाख नगद संकलन भएको पार्टीका आर्थिक विभाग प्रमुख रिम केसीले जानकारी दिनुभयो । पार्टीले नेता तथा कार्यकर्ता र शुभेच्छुकहरुलाई आर्थिक सहयोगका लागि आह्वान समेत गरेको छ । जिल्ला संयोजक जुग्जालीको अध्यक्षता, इन्चार्ज पौडेलको प्रमुख आतित्यथा र नगर कमिटी अध्यक्ष शेरबहादुर केसीको सञ्चालनमा सम्पन्न कार्यक्रममा जनयुद्ध विदसको शुभकामना आदान प्रदान समेत गरिएको थियो ।
Related posts
