शुक्रबार, मंसिर २१, २०८१
पत्रकार महासंघको सदस्यता सुद्धीकरणः म्याग्दी शाखामा १३ जना सदस्य रहने
म्याग्दी । नेपाल पत्रकार महासंघ म्याग्दी शाखाले १३ जना पत्रकारको मात्र सदस्यता नविकरण गर्ने निर्णय गरेको छ । महासंघको सदस्यता सुद्धीकरण अभियान अन्तर्गत केन्द्रले जारी गरेको मापदण्ड अनुसार म्याग्दी शाखाले ५७ जना मध्ये १३ जना साधारण सदस्यहरुको सदस्यता नविकरण गर्ने निर्णय गरी प्रदेश र केन्द्रीय समितिमा सिफारिस गरिएको शाखा अध्यक्ष प्रकाश पौडेलले बताउनुभयो ।
विहिवार बसेको शाखाको वैठकले उक्त संख्यामा सदस्यता नविकरण गर्र्नेे सर्वसम्मत निर्णय भएको शाखा अध्यक्ष पौडेलले जानकारी दिनुभयो । पत्रकारिता पेसामा पूर्णकालिन रुपमा संलग्न भएकाहरुको मात्र सदस्यता नविकरण गरिएको छ । यसरी सदस्यता नविकरण हुनेहरुमा घनश्याम खड्का, प्रकाश पौडेल, अमृत बास्कुने, ठाकुर प्रसाद आचार्य, हरिकृष्ण गौतम, सन्तोष गौतम, प्रताप बानियाँ, कमल खत्री, दल प्रसाद विश्वकर्मा (अमित) राकेश शर्मा, साधन राम्जाली, धिरन खत्री, सन्दिप शर्मा रिजाल रहेका छन ।
वैदेशिक रोजगारीमा रहेका, राजनैतिक दलमा आवद्ध भएका, सरकारी कर्मचारी भएका, पूर्णकालिन रुपमा अन्य पेशामा आवद्ध रहेका, लामो समय देखि पत्रकारीतामा निष्क्रिय रहेकाहरुलाई सुद्धीकरणको मापदण्ड लागु गरिएको हो । नयाँ सदस्ताका लागि परेका आवेदनका हकमा पनि सुद्धीकरण अभियानले नसमेटेकाले नयाँ सदस्यताका लागि कसैलाई पनि सिफारिस नगर्ने निर्णय भएको उहाँले जानकारी दिनुभयो ।
सदस्यता सुद्धीकरणलाई सहज बनाउन शाखको विहिवार विहान वसेको वैठकले उपाध्यक्ष हरिकृष्ण गौतमको संयोजकत्वमा पाँचसदस्यीय कार्यदल गठन गरेको थियो । कार्यदलमा शाखाका सल्लाहकार ठाकुरप्रसाद आचार्य, प्रेस चौतारीका अध्यक्ष प्रताप बानियाँ, प्रेस युनियनका अध्यक्ष राकेश शर्मा र प्रेस सेन्टरका अध्यक्ष कमल खत्री रहनुभएको थियो ।
कार्यदलको वैठकले गम्भिर रुपमा छलफल गरेर नविकरण गर्ने सदस्य, मानर्थ सदस्य र ससम्मान रुपमा विदाई गर्ने सदस्यहरुको नामावली तयार पारी प्रतिवेदन अध्यक्ष पौडेललाई बुझाएको थियो । कार्यदलले बुझाएको प्रतिवेदनलाई कार्यसमितिको वैठकबाट सर्वसम्मत रुपमा निर्णय भएको शाखाका सचिव सन्तोष गौतमले जानकारी दिनुभभयो ।
पत्रकारितामा सक्रिय नरहेर राजनीतिमा रहेका, स्थायी वा अस्थायी सरकारी सेवा, वैदेशिक रोजगारी र व्यापार व्यवसायमा वा पूर्णकालिन रुपमा अन्य पेसामा संलग्न भएकाहरुको सदस्यता नविकरण नगरिएको कार्यदलका संयोजक तथा शाखाका उपाध्यक्ष गौतमले बताउनुभयो ।
गौतमका अनुसार शाखामा रहेर विगतका दिनहरुमा विशेष योगदान गर्नुहुने २२ जना सदस्यलाई मानार्थ सदस्यता प्रदान गर्ने र अन्यलाई ससम्मान रुपमा विदाई गर्ने निर्णय शाखाले गरेको छ ।
Related posts
