शनिबार, साउन १२, २०८१
बहिरा बिद्यार्थीहरुसंग अनेरास्ववियु म्याग्दी
नेकपा एमाले निकट बिद्यार्थी संगठन अनेरास्ववियु जिल्ला कमिटि म्याग्दीले संगठन बिस्तार अभियानलाई तिब्र रुपमा अगाडि बढाएको छ । बिहिबार बेनी नगरपालिका ४ सिङ्गगाको धौलागिरि माविमा संगठन बिस्तार गरेको छ ।
बहिरा बिद्यार्थीहरुको समेत उपस्थितिमा एक कार्यक्रमको आयोजना गरि भिम गिरीको अध्यक्षतामा ३० सदस्यीय कमिटि गठन गरेको छ । कमिटिको उपाध्यक्षमा सुनिता किसान , सचिवमा सृष्टि बिश्वकर्मा , सह-सचिवमा अनुपमा घर्ति मगर र कोषाध्यक्षमा हिम बिश्वकर्मा रहनुभएको छ ।
कार्यक्रममा बोल्दै अनेरास्ववियुका केन्द्रिय सचिवालय सदस्य एवँ म्याग्दी जिल्ला इन्चार्ज सुवास बिश्वकर्माले अवको बिद्यार्थीहरु प्रविधि संग नजिक हुनुपर्ने बताउनुभयो । सामाजिक चेतना बोकेका बिद्यार्थीहरुले अव समाजका हरेक बिभेद, बिकृति र बिसङगतिका बिरुद्ध आवाज उठाउन जरुरी रहेको र त्यसको नेतृत्व गर्न नै अनेरास्ववियुले म अखिल अभियान अगाडि सारेर देशब्यापी रुपमा संगठन बिस्तार गर्न लागेको उहाँले बताउनुभयो ।
कार्यक्रममा बोल्दै अनेरास्ववियुका जिल्ला संयोजक दर्पण रोकाले कितावी ज्ञान संगसंगै अतिरिक्त क्रियाकलापहरुमा पनि बिद्यार्थीहरुले चासो राख्न आबश्यक रहेको बताउनुभयो । राजनिती देशको मूल निती भएकाले बिद्यार्थीहरुले पनि राजनितीक सेचतनाको बिकास गर्नुपर्ने बताउनुभयो । उहाले भन्नुभयो ”अपाङ्गता भएका बिद्यार्थीहरु बिधालय भन्दा बाहिर छन् जति बिधालय भित्र छन उनीहरुलाई अध्ययनमा सहजतापुर्बक ज्ञान प्रदान गर्न सकिएको छैन ” त्यसैले अबको अनेरास्ववियुको मूल मुद्दा अपाङ्गता भएका बिद्यार्थीहरुलाई सहजता पुर्बक बिधालयमा आउने र अध्ययन गर्न सक्ने बाताबरणको सिर्जना गर्न अखिलले महत्वपूर्ण भूमिका खेल्ने बताउनुभयो ।
कार्यक्रम अनेरास्ववियु केन्द्रिय सचिवालय सदस्य एवँ जिल्ला इन्चार्ज सुबास बिश्वकर्मा को प्रमुख आतिथ्यता जिल्ला संयोजक दर्पण रोकाको अध्यक्षता जिल्ला सचिव मिलन खत्रीको स्वागत र सचिवालय सदस्य एवं प्रचार बिभाग प्रमुख समिर रोकाको संचालनमा सम्पन्न भएको थियो ।
Related posts
