सोमबार, असोज २१, २०८१
पत्रकार गौतम, लोक गायक गर्वुजा सहित खेलाडी, र कर्मचारी सम्मानित
म्याग्दी । म्याग्दीको धवलागिरी गाउँपालिकाले पत्रकार, खेलाडी, कलाकार र उत्कृष्ट कर्मचारीहरुलाई सम्मान गरेको छ । मुुना स्थित गाउँपालिकाको कार्यालयमा बिहिबार भएको २१ औ गाउँसभाका अवसरमा धवलागिरी गाउँपालिकामा जन्मिएर विभिन्न क्षेत्रमा योगदान गरेका व्यक्तित्वहरुलाई सम्मान गरेको हो ।
सम्मानित हुनेहरुमा म्याग्दीका क्रियाशिल पत्रकार सन्तोष गौतम, वरिष्ठ लोक गायक खड्ग गर्बुुजा र अपाङ्गता भएकाहरुबीच हुुने अन्तराष्ट्रिय खेलकुुद प्रतियोगितामा पदक दिलाएका केशव थापा रहेका छन् । गौतम, गर्बुजा र थापालाई नगद दश हजार पाँच सय रुपैयाँ सहित दोसल्ला ओढाएर सम्मानपत्र प्रदान गरिएको थियो ।
धवलागिरी गाँउपालिका–७ ताकममा जन्मिएका गौतम १७ वर्षदेखि पत्रकारितामा क्रियाशिल छन् । यानीमाया, सालैजो, सुनिमाया लगायत म्याग्दी आसपासका लोकभाकालाई स्थापित गराउन योगदान गरेका गर्बुजाको जन्मथलो धवलागिरी गाउँपालिका–६ मराङ हो । ह्वीइल चियरमा बसेर खेलीने अन्तराष्ट्रिय टेवल टेनिस खेलमा नेपाललाई स्वर्ण पदक दिलाएका ३२ वर्षीय केशवको जन्मथलो धवलागिरी गाउँपालिका–७ धारापानी हो ।
धवलागिरी गाउँपालिकाका अध्यक्ष प्रेमप्रसाद पुुन, प्रमुख जिल्ला अधिकारी लक्ष्मण ढकाल, गाउँपालिकाका उपाध्यक्ष रेशम पुुनमगरले उहाँहरुलाई सम्मान गर्नुभएको थियो । यसैगरी गाउँपालिकाको प्राबिधिक शाखाका प्रमुुख लोकेन्द्र रावल, लेखा शाखा प्रमुख तिलक शंकर पौडेल, शिक्षा शाखाका प्रमुुख ख्यामराज सुुवेदी, वडा सचिव बेदनाथ सुुवेदी र कार्यालय सहयोगी सतदेवी जुुग्जालीलाई पनि नगद सहित पुुरस्कृत गरिएको प्रमुख प्रशासकीय अधिकृत कृष्णप्रसाद सुुवेदीले जानकारी दिनुभयो ।
केही दिनअघि बेनीमा भएको जिल्ला स्तरीय राष्ट्रपति रनिङ्ग शिल्ड खेलकुद प्रतियोगितामा सहभागी भएर पदक दिलाएका खेलाडीहरुलाई समेत पुुरस्कृत गरिएको छ । प्रतियोगितामा धवलागिरीका १८ जना खेलाडीले १८ वटा पदक जितेका थिए । उनिहरुलाई ३२ हजार रुपैयाँ नगद पुुरस्कार वितरण गरिएको हो । कार्यक्रममा लोक गायक गर्बुजाले मौलिक लोक भाका यानिमाया, सालैजो लगायतका गीतहरु प्रस्तुत गर्नुभएको थियो ।
Related posts
