करीब दुईदशक देखि ब्यपार ब्यवसायमा सक्रीय बागलुङका चन्द्र ढकालले आगामी मंसिर ११ र १२ हुने नेपाल उद्योग वाणिज्य महासंघको वरिष्ठ उपाध्यक्ष पदमा उमेदवारी दिएका छन् । ढकालले बुधबार वरिष्ठ उपाध्यक्षमा उम्मेद्वारी दर्ता गरेका हुन् । पछिल्लो संशोघित विधान अनुसार नेपाल उद्योग वाणिज्य महासंघको वरिष्ठ उपाध्यक्षले अर्को कार्यकाल स्वत अध्यक्ष भइ महासंघको नेतृत्व गर्ने व्यवस्था रहेको छ । निजी क्षेत्रको सबैभन्दा ठूलो छाता संगठन नेपाल उद्योग वाणिज्य महासंघ (एफएनसिसिआई)को नेतृत्वको उपाध्यक्ष पदमा ढकालले उमेदवारी दिएका हुन् ।
१ दशकको नेपाल उद्योग वणिज्य महासंघको अनुभव बोकेका ढकालले किशोर प्रधानसँग प्रतिस्पर्धा गदै छन् । व्यवसायिक एवम् व्यक्तिगत जीवनमा  उत्तिकै सफल ढकाल आइएमई ग्रुप, ग्लोबल आइएमई बैंक र चन्द्रागिरि हिल्स लिमिटेडको अध्यक्षमा समेत रहेका छन् । उनको बैंक तथा वित्तीय सेवालगायत जलविद्युत् लगायतका क्षेत्रमा पनि राम्रो उपस्थिति रहेको छ ।
उनले नेपाली उघोगी तथा व्यवासायीको हितका लागि आफ्नो उमेदवारी रहेको बताए । नेपालमा कोरोनाका कारण बन्द हुन पुगेका उद्योगी तथा व्यवसायिहरुको पक्षमा काम गर्ने, नयाँ उद्योग ग्राम हरु सञ्चालन गर्नका लागि सरकार सँग आवश्यक सल्लाह सुझाव दिने र नयाँ उघोगहरको स्थापनाका लागि पहल गर्ने बताए ।
वि. सं २०२२ मा बागलुङको अमलाचौरमा जन्मिएका चन्द्रप्रसाद ढकालको व्यवसायिक यात्रा करिब २ दशकको मात्र रहेको छ भने नेपाल उद्योग वाणिज्य महासंघको यात्रा करिब १ दशकको रहेको छ । छोटो समयमा नै सफलता प्राप्त गरेका ढकाल उद्योगि व्यवसायिहरुका प्रेरणाका स्रोत समेत हुन् । उनले आफ्नो उमेदवारी सम्पुर्ण उद्योगी व्यवसायिहरुकै उम्मेदवारी रहेको बताउँदै जितको पनि सुनिश्चीतता रहेको बताए ।
को हुन् त ढकाल ?
उनी १६ वर्षको हुँदा उनको पिताको देहवसान पश्चात सोह्र वर्षको एक किशोरको काँधमा आमा र साना भाइबहिनीको भविष्यसमेत थपियो । उनले त्यस जिम्मेवारीप्रति गम्भीर भएरै आफ्नै मिहिनेत, परिश्रम र बलबुतामासहितको अथक प्रयास आज उनी समग्र निजि क्षेत्रको नेतृत्व गर्न प्रतिस्पर्धा गर्दैछन् । उनले गरेको परिश्रमले उनलाई मात्र सफल बनाएको छैन हजारौा मानिस र राज्यलाई प्रत्यक्ष अप्रत्क्ष रुपले फाईदा पु(याइरहेको छ ।

सफल व्यवसायी चन्द्र ढकाल, ढकालको जीवनका कठिन कथाका पानाहरु पल्टाउने जोसुकैले निकाल्ने अन्तिम निष्कर्ष नै यही नै हुन्छ । राष्ट्रिय वाणिज्य बैंकको खरिददारका रूपमा बैंकमा काम थालेका चन्द्र ढकाल अहिले नेपालको सबैभन्दा ठूलो बैंकको आफैँ मालिक छन् ।
रेमिट्यान्स कम्पनीबाट उदाएका उनको सञ्जाल देशको कुना – कुनामा पुगिसकेको छ । जुन ‘आइएमई ग्रुप’ भनेर चिनिन्छ ।
आइएमई को ‘वेभसाइट’ मा उल्लेख गरिएअनुसार उनको व्यवसाय रेमिट्यान्स क्षेत्रसँगसँगै सवारीसाधन बिक्री, जलविद्युत् उत्पादन, ट्राभल एन्ड टुर्स, बैंक, औषधि, सूचना प्रविधि र व्यापारसम्म फैलिएका छन् । ट्राभल र कार्गो उनको रेमिट्यान्स कम्पनीभन्दा पुरानो काम हो । वैदेशिक रोजगारीमा जापान गएर फर्किनु अघिदेखि नै उनी कार्गो व्यापारमा लागिसकेका थिए ।

राष्ट्रिय वाणिज्य बैंकमा उनको जागिरे जीवन करीब चार वर्ष जतिको रह्यो । त्यही समयमा व्यवसायको सोच र आँट लिएर बैंकको जागिर त्यागी व्यवसायमा जोड दिन थाले । त्यो हिम्मत नै उनको जीवनको सफलताको केन्द्रविन्दु बन्न पुग्यो ।
व्यवसाय थालेका ढकालले भने कार्गो व्यवसायलाई राम्रो सफलताका साथ विदेशमा फैलाउन सोच बनाएका थिए । त्यतिबेला नेपाली गार्मेन्ट उत्पादनको अमेरिकामा राम्रो बजार थियो । कार्गो व्यवसाय विस्तारका लागि उनले अमेरिका जाने तयारी गरेका थिए । भिसा पनि लागीसकेको थियो । तर, अमेरिका जाने सोच बेकेका ढकाल जापान भएर अमेरिका जाने निधो गरे
। १० महिना जापानमै बसेर काम गरेका ढकालले विदेशमा बस्ने नेपालीले कमाएको पैसा नेपाल पठाउँदा भोग्नुपर्ने तनावलाई देखे । यहि समस्यालाई अवसरमा परिणत गरेर आज आइएमई लाई रेमिटेन्सको ब्रान्डमा रुपान्तरण गरेर उनी एक सफल व्यवसायीको रुपमा सुपरिचित छन् ।
उनले आइएमई शुरुवात गर्नु अगाडि विदेशबाट नेपालमा पैसा पठाउने कुनै औपचारीक माध्यम थिएन ।
हुण्डी कारोबार दिन प्रति दिन फस्टाउँदै गएको थियो । जसले सामाजिक अपराध र नेपालीहरु ठगीने प्रवृति फस्टाउँदै गएको थियो । देश र देशको अर्थतन्त्रले विकराल समस्या झेलिरहेको बेला पहिलोपटक राष्ट्रबैंकमा नितिगत प्रस्ताव लिएर उनी पुगेका थिए ।
सरकारले सन् २००१ मा रोजगारीका लागि मलेशिया खुला ग¥यो । धेरै नेपाली पनि गए । त्यसबेला नेपालमा पैसा भित्रिने कुनै कानूनी प्रावधान नै थिएन । यहि समस्यालाई अवसरमा परिणत गरि ‘इन्टरनेशनल मनी एक्सप्रेस’ आइएमईको शुरुवात गरे जुन उनले परिकल्पना गरे भन्दा पनि धेरै माथि पुग्यो । अहिले अधिकाशं मानिसहरु (पैसा पठाउनेलाई) बैंक तथा वित्तिय संस्थाहरुमा आइएमई गर्नु नै भन्ने गरेका छन् । रेमिटान्सको बा्रन्ड भनेकै नेपालमा आइएमई जस्तो रहेको छ ।

अझै ग्रामिण भेगका धेरै मानिसहरु पैसा पठाउनु भनेकै आइएमई गर्नु हो भन्ने ठान्दछन् । यो व्यवसायी ढकालको सफलता हो ।
आइएमई ग्रुपका संस्थापक रहेका ढकाल नेपाल उद्योग वाणिज्य महासघंमा उपाध्यक्ष तथा अरु कैयौँ सामाजिक क्षेत्रमा संलग्न रहेका छन् । सफलताको एक पछि अर्को सिढीं उक्लदै उनले जीवनमा कयौँ सफलताहरु हात पारे उनले स्थापित गरेको चन्द्रागिरि केवलकार छोटो समयमै राष्ट्रिय सम्पत्ति बनेको छ ।
जब नेपाल भुकम्प र नाकाबन्दीले थलिएको थियो त्यतीखेर चन्द्रगिरि केबलकार सञ्चालन गरेर राष्ट्रको अर्थक्षेत्रको मनोबल उच्च राख्न उनको अहम भूमीका रहेको थियो ।
इमान्दार र मेहेनती गुण भएका चन्द्र ढकालले आफ्नो मात्र खुसी कहिल्यै हेरेनन् । आफूलाई साथ दिने व्यक्ति र आफ्नो राज्यप्रति पनि उनी उत्तिकै उत्तरदायी रहे । समयको अत्यन्तै पक्का चन्द्र ढकाल सरकारको निति कार्यान्वयनमा पनि उत्तिकै पक्का व्यक्ति कहलिन्छन् ।
गत आर्थिक वर्षको बजेटमा ‘क’ वर्गका बैंक तथा वित्तीय संस्था गाभ्ने नीति समेटियो । सोही नीतिलाई कार्यान्वयन गर्न ढकालले नै जोखिम उठाएर साहसिक निर्णय गरे । सरकारको सोही नीतिका कारण ग्लोबल आइएमई र जनता बैंक मर्ज भएर ग्लोबल आइएमई बैंक पूँजी, व्यवसाय, शाखा सञ्जालसमेतका आधारले नेपालकै ठूलो बैंक बन्यो मर्जपछि बैंकको चुक्ता पूँजी करीब १९ अर्ब रुपैँया पुगेको हो ।
राष्ट्रिय बाणिज्य बैंकका सहायक तहका कर्मचारी रहेका ढकाल त्यसको करीब साढे दुई दशकपछि देशकै सबैभन्दा ठूलो बैँकको अध्यक्ष बन्न सफल भए । कुनै व्यवसाय गर्छु भन्ने व्यक्तिका लागी चन्द्र ढकाल एउटा खुल्ला विश्वविद्यालय हुन् भने उनको सफलता एउटा ‘चाखलाग्दो कोर्ष’ । उनको गुजारेका कठिन दिनहरुको यो यात्राले तय गरेको लोभलाग्दो सफलता आफैँमा एउटा उत्प्रेरक श्रोत बन्न सक्छ । दृढ विश्वास, मेहेनतले मान्छेले सोचेको भन्दा पनि ठूलो सफलता हात पार्छ भन्ने एउटा उदाहारण हुन् – चन्द्र ढकाल ।

आफ्नै मेहेनत र परिश्रमले व्यवसायिक क्षेत्रमा छोटो समयमै सफलताको शिखरमा पुगेका ढकाल महासंघको राजनीतिमा पनि छोटो समयमै पकड जमाउन सफल भए । ढकाल निजी क्षेत्रको सबैभन्दा ठूलो संगठन नेपाल उद्योग वाणिज्य महासंघको एसोसिएट उपाध्यक्षमा निर्विरोध निर्वाचित पनि भए । अहिले भने चन्द्र ढकालले बरिष्ठ उपाध्यक्षमा निर्वाचन लड्ने घोषणा बाग्लुङबाट गरेका थिए ।
साना तथा मझौला व्यवसायको हकहित संरक्षण गर्न र नेपाल उद्योग वाणिज्य महासंघको नेतृत्व गरि देशको अर्थतन्त्रलाई सबल बनाउन चन्द्र ढकालले नेतृत्वको लडाँईमा भाग लिएको बताएका छन् । चुवानको नतिजा त समयलेनै देखाउने छ तर उनको प्रतिष्पर्धी पनि उनीमा अनुभव बाहेक कुनै कुराको कमी नरहेको बताउँछन् ।
अघिल्लो चुनावमा शेखर गोल्छा र किशोर प्रधान दुवैको प्यानलबाट र्निविरोध ऐसोसिएट उपाध्यक्ष बनेका चन्द्र ढकाल अहिले उनै किशोर प्रधानसँग प्रतिस्पर्धा गरिरहेका छन् । महासंघमा प्रधानको लामो अनुभव रहेको छ भने चन्द्र ढकालसँग दृढ आत्मविश्वास रहेको छ ।
अब अनुभव र इच्छाशक्तीको राजनितिक महासंघारमा दुई उम्मेद्वार चन्द्र ढकाल र किशोर प्रधानमध्ये कसले बाजी मार्ला भन्ने आउँदो मंसिर ११ र १२ गतेको चुनावले नै देखाउनेछ ।

Related posts

कसैको मत घटाएर कसैलाई जिताउने गोटी बन्न सकेनौँः अध्यक्ष विश्वकर्मा

प्रकृतिलाई खुसी बनाउन भुमे पुजाको रौनक

प्रेस चौतारी नेपाल म्याग्दीको १८ औँ साधारणसभाः पत्रकार जिसी सम्मानित

घतानमा सार्वजनिक सुनुवाई, ‘योजनाको गुणस्तरीय कार्यन्वयनमा स्थानीयको जोड’

पुलाचौरका मतिलाललाई ५० हजार पुरस्कार, २४ हजार ऋण मिनाहा