मंगलबार, माघ ८, २०८१
बेनी अस्पतालमा उपचारको लागि आउने विरामीको संख्यामा ह्वात्तै कमी
सन्दिप शर्मा
बेनी अस्पतालका एक चिकित्सकमा कोरोना पुष्टि भए सँगै अस्पतालमा उपचारका लागि आउने विरामीको सँख्यामा ह्वात्तै कमी आएको छ । असोज २६ गते अस्पतालको ओपिडी कक्षमा उपचारका लागि पुगेका बिरामीमा कोरोना पुष्टी भए लगत्तै कन्ट्रयाक्ट ट्रेसिङमा परेका र घर विदामा पोखरा गएका एक डाक्टरमा कोरोना संक्रमण देखिए पछि अस्पतालमा आउने विरामीको सँख्यामा ह्वात्तै कमी आएको हो ।
पछिल्लो तिनदिन देखि अस्पतालमा चेकअप गर्न आउने विरामीको संख्या मै कमी आएको छ र सबै भन्दा बढी आज मंगलबारमा कमी आएको अस्पताल ब्यवस्थापन समिती म्याग्दीका अध्यक्ष बेल बाहादुर कटुवालले बताउनु भयो । आइतबार देखि मंगलबार सम्मको अस्पतालमा चेकअपका लागि आउने विरामीको तथ्यंक हेर्दा आधा बन्दा बढी विरामीको संख्यामा कमि आएको हो । आईतबार र सोमबारका तुलनामा मंगलबार झनै कमी विरामी आएका छन् । आतबार एक सय १९, सोमबार एक सय ९ र मंगलबार जम्मा ७५ जना विरामीहरु मात्रै अस्पतालमा स्वाथ्य चेकअपका लागि पुगेको नाम दार्ता कक्षमा कार्यरत कम्युटर अपरेटर लिला सुवेदीले बताउनु भयो ।
सोमबार अस्पतालका एक डाक्टरमा कोरोना पुष्टी भए पछि अस्पतालमा जोखिम बढे सँगै विरामीहरु कम आएका हुन् ब्यवस्थापन समितीका अध्यक्ष कटुवालले बताउनु भयो । अत्यावश्यक बाहेक अन्य समयममा अस्पतालमा कोरोना जोखीम बढेको भन्दै नआउन अस्पताल ब्यवस्थापन समितीले अनुरोध गरेको छ । कोरोना पोजेटिभ आएकाको कन्ट्रक्याक्ट ट्रेसिङ गरी कन्ट्रक्याक्ट ट्रेसिङमा परेकालाई होम क्वारेन्टाइनमा राखेर अन्य स्वाथ्यकर्मी मार्फत सबै सेवाहरु अस्पतालले सञ्चालन गरीरहेको छ । ५० बेडको स्विकृत भएको वेनी अस्पतालमा प्रविधीक कारणले ३५ वेड सम्म विरामीहरु भर्ना गरेर उपचार गरीन्छ तर कोभिड कै कारण हाल जम्मा ८ जना विरामी हरु मात्रै भर्नामा रहेर उपचार गराई रहेका छन् ।
अन्य समयमा विरामीको चाप हुने ईन्डोर र ईमरजेन्सी कक्ष अहिले सुनसान जस्तै अवस्थामा रहेका छन् । अहिले बिरामीको सँख्या कम मात्रामा आएका कारण अस्पतालमा खासै चाप नभएको कटुवालले बताउनु भयो । अस्पतालले उपचारका लागि आउने विरामीहरुमा कोरोनाको लक्षण देखिएमा अस्पतालमा रहेको प्री आईसोलेसनमा राखेर उपचार गरि पिसीआर रिपोर्ट आएपछी मात्रै थप उपचार प्रक्रीया अगाडि बाढाई रहेको छ ।
Related posts
