आईतबार, साउन २९, २०७९
बेनी नगरको मेयरमा ८ सय ४९ मतले सुुरत केसीको अग्रता
म्याग्दी । म्याग्दीको बेनी नगरपालिकामा जारी मतगणनामा मेयर पदमा सुरत केसीको अग्रता कायम रहेको छ । नगरको ५ वटा वडाको मत परिणाम अनुसार केसीले ८ सय ४९ मतले अग्रता लिनुभएको छ ।
एमालेका मेयरका उम्मेदवार केसीलाई ४ हजार २ सय ८२ मत प्राप्त हुँदा गठवन्धनबाट नेपाली काँग्रेसका मेयरका उम्मेदवार चिरञ्जीवि शर्मालाई ३ हजार ४ सय ३३ मत प्राप्त भएको छ ।
मेयरमा केसीले वडा नम्वर १ देखि ५ सम्म क्रमश ७५४, ८६२, ६५४, ९५५ र १०५७ ल्याउनुभएको छ भने शर्माले क्रमश ६०१, ८४२, ६२६, ६३६ र ७२८ मत ल्याउनुभएको छ ।
पाँच वटै वडामा केसीको मत अगाडि रहेको छ । त्यस्तै उपाध्यक्षमा भने गठवन्धनबाट नेकपा माओवादीका ज्योति लामिछानेले १ हजार २ सय ४५ मतले अग्रता लिनुभएको छ ।
लामिछानेले ४ हजार १ सय १३ मत प्राप्त गर्दा नेकपा एमालेका पशुपति शाहीले २ हजार ८ सय ६८ मत लिनुभएको छ । अहिले वडा नम्वर ६ र ७ को मतगणना जारी रहको छ ।
Related posts
