अगामी वैशाख ३० गते हुने स्थानीयतहको निर्वाचनकालागि नेपाली काँग्रेसले बेनी नगरपालिका–८ को अध्यक्षमा हिमबहादुर भण्डारीलाई सर्वसम्मत रूपमा उम्मेदवार चयन गरेको छ ।

सोमबार वडामा आयोजित भेलाबाट हालका वडा सदस्य समेत रहनुभएका भण्डारीलाई सर्वसम्मत रूपमा अध्यक्षको उम्मेदवार बनाउने निर्णय भएको नेपालीकांग्रेस वडा समितिले जनाएको छ ।

गएको निर्वाचनमा वडा सदस्यमा निर्वाचित भण्डारीलाई उम्मेदवार बनाइएपनि सदस्य पदमा भने आकांक्षीहरु धेरै भएकाले निर्णय गरिएको छैन ।

वडामा सत्ता गठबन्धन बिचको तालमेललाई समेत मध्यनजर गरी वडा सदस्यहरुको पद टुंगो नलगाइएको जनाइएको छ । बेनीनगरका १० वडामा कांग्रेसबाट सर्वसम्मत वडा अध्यक्षको उम्मेदवार हुनेमा भण्डारी पहिलो हुनुभएको छ ।

कांग्रेसले सत्ता गठबन्धनको छलफल सँगै सबै वडाबाट उम्मेदवारको नाम टुंगो लगाउनकालागि सर्वसम्मत नभए आकांक्षीको नाम जिल्लामा सिफारिस गर्न निर्देशन दिएको छ ।

Related posts

धवलागिरीको राष्ट्रपति रनिङ शिल्डको उपाधि हेम मावि सिवाङलाई

तीन मृतकको परिचय खुल्यो, आठ घाइते, दुईको अवस्था गम्भीर

‘हाननीय’ देखि ‘माननीय’ सम्म: मनाङे

मल्लाजको दहमा दम्पतीको हत्या

पर्वत बेनीमा ३० करोडको लगानीमा तयार भयो ज्ञान गौरी प्यालेस