म्याग्दी । नेपाली कांग्रेस म्याग्दीले ‘घर घर–जाऔं कांग्रेस जिताऔं” अभियान अन्तर्गत शनिबार पुलाचौरको कुमाल्डीमा क्षेत्रीय आम सभाको आयोजना गरेको छ ।

स्थानीय चुनावलाई लक्षित गरेर बेनपा–४, ५ र ६ वडाले संयुक्त रुपमा आयोजना गरेको आमसभामा सम्बोधन गदैं नेपाली कांग्रेस केन्द्रिय सदस्य चम्पादेवी खड्काले स्थानीय तहको निर्वाचनमा महिलाले प्रमुख पदको उम्मेदवारीमा दावी गर्नुपर्ने बताउनुभयो ।

उहाँले वडा,पालिका र नगरस्तरमा महिलाले आफ्नो उम्मेदवारीसँगै कांग्रेसलाई जिताउने अभियानमा लाग्नुपर्ने बताउनुभयो । सभामा संविधानसभा सदस्य एवम् पूर्व सभापति रेशमबहादुर बानियाँले स्थानीय तहमा कांग्रेसलाई बिजय बनाउन जनताको घरदैलोमा पुगेर काँग्रेसको बर्चश्व कायम हुने गरी अभियानमा जुट्नुपर्ने बताउनुभयो ।

सभामा गण्डकी प्रदेश सदस्य अमृतदेवी बानियाँ, जिल्ला उपसभापति केबी भण्डारी, प्रदेश नं १ का क्षत्रिय सभापति ओम छन्त्याल, पूर्व सहसभापति नेत्रबहादुर महत, पूर्व उपसभापति माधबप्रसाद रेग्मी, पूर्व सचिव मिनबहादुर कार्की लगायले बोल्नुभएको थियो ।

सोही अवसरमा जमुना पौडेलको अध्यक्षतामा महिला संघ समेत गठन गरिएको थियो । वडा नं ५ का वडा सभापति याम बानियाँको अध्यक्षता, वडा नं ६ का सभापति जीवनप्रसाद पौडेलको स्वागत र वडा नं ४ का सभापति सुमन बानियाँको सञ्चालनमा सम्पन्न भएको कार्यक्रममा विभिन्न पार्टी परित्याग गरी कांग्रेसमा प्रवेश गरेकालाई सदस्यता वितरण गरिएको थियो ।

यसैबीच जिल्लाको बेनी नगरपालिका–३, भकिम्लीको डोले र बेनपा ९ तोरीपानीमा समेत वडास्तरीय सभा सम्पन्न भएको छ । कांग्रेसले एकसाताभित्र उम्मेदवार टुंगो लगाउने जनाएको छ ।

Related posts

क्यान्सर पीडित मनिषालाई ओमकुमारी शान्ति कोषको सहयोग

नेकपा एमाले म्याग्दीको नवौं जिल्ला अधिवेशन सुरु, एमालेप्रति जनताको माया र विश्वास बढ्योः स्थायी कमिटी सदस्य थापा

प्रधानन्यायाधीशले आफूलाई पनि पेसी तोकेपछि सर्वोच्चको गतिरोध लम्बिने संकेत

ठेकेदारले कालोपत्रे नगरेपछि स्थानीयद्वारा गोदावरी सडक बन्द

मंगोलबाट प्रतिनिधिसभामा ओमराज मगरको नाम सिफारिस