आईतबार, माघ ६, २०८१
म्याग्दीको अधिकांश भूभागमा हिमपातः जनजीवन प्रभावित
म्याग्दी । हिमाली जिल्ला म्याग्दीको अधिकांश भुभागमा भारी हिमपात भएको छ । जिल्लाको प्रमुख पर्यटकीय स्थल पुनहिल घोडेपानी, टोड्के, मालिका धुरी, झाँक्रीपानी, लगाएतका क्षेत्रमा बुधबार बिहानै देखि भारी हिमपात भएको छ ।
धौलागिरी गाउँपालिकाको गुर्जा, लुलाङ, मुना, मुदी, मल्कावाङ, ताकम, मराङ लगाएतका क्षेत्रमा हिउँ परिरहेको स्थानीय इश्वर सुवेदीले बताउनुभएको छ । त्यस्तै मालिकाका रुम, देविस्थान, निस्कोट, बिम लगाएतका वस्तीहरुमा हिउँ परेको छ ।
मंगलाको टोड्के, बरंजा झाक्रिपानी, किमचौर लगाएतका ठाउँमा हिमपात भएको छ । रघुगंगाको कुइने मंगले, चिमखोला, दग्नाम लगाएतको उपल्लो भेगहरुमा हिउँ परेको छ । अन्नपुर्णको सवै क्षेत्रमा हिमपात भएको छ ।
बिशेष गरि घोडेपानी, राम्चे, हिस्तान लगाएतका ठाउँमा भारि हिमपात भएको त्यहाँबाट पत्रकार सुरेन गुरुङले जानकारी दिनुभयो । बेनी नगरपालिकाको उपल्लो भेगहरुमा पनि हिमपात भएको छ । घोडेपानीमा ४ फिट सम्म हिउँ परेको छ ।
यस वर्षको पहिलो हिमपात भएकाले पर्यटकीय क्षेत्रमा स्थानीयहरु हिउँ खेलेर रमाइरहेका छन भने चिसो अत्याधिक वढेका कारण जनजिबन प्रभावित बनेको छ ।
Related posts
