शनिबार, मंसिर २२, २०८१
१९ औँ जेसिज कपको फाइनलमा बुद्ध एकेडेमी र न्यु वेष्ट प्वाइन्ट
समिर रोका मगर
म्याग्दी । म्याग्दी जेसिजको आयोजनामा बेनीमा संचालन भइरहेको १९ औँ संस्करणको नमस्ते ट्रेड होटल याक जेसिज कप फुटवल प्रतियोगीताको फाइनलमा बुद्ध एकेडेमी बगरफाँट र न्यु वेष्ट प्वाइन्ट आवासीय मावि बेनी फाइनलमा प्रवेश गरेका छन ।
शनिबार बेनीको खुल्लामञ्चमा संचालन भएको सेमिफाइनल खेलमा किसानी मावि धारापानीलाई शुन्यका विरुद्ध २ गोल गर्दै बुद्ध एकेडेमी बगरफाँट फाइनलमा प्रवेश गरको हो । त्यस्तै केवि एकेडेमी दरवाङलाई शुन्यका बिरुद्ध ३ गोल गर्दै न्यु वेष्ट प्वाइन्ट आवासीय मावि फाइनलमा प्रवेश गरेको प्रतियोगीताका मूल संयोजक कुमार बानीयाँले जानकारी दिनुभयो ।
वुद्ध एकेडेमी र किसानी मावि विच भएको खेलमा बुद्ध एकेडेमीको तर्फबाट खेलको पहिलो हाफमा क्याप्टेन निराजन पुन र दोस्रो हाफमा सज्जन पुनले गोल गरका थिए । खेलमा म्यान अफ द म्याच बुद्धका रविन तामाङ बनेका छन ।
त्यस्तै वेष्ट प्वाइन्ट र केवि एकेडेमी बिच भएको खेलमा वेष्ट प्वाइन्टका क्याप्टेन अमृत तामाङले २ र लवकुश पुनले १ गोल गरेका थिए । प्रतियोगीतामा वेष्ट प्वाइन्टका क्याप्टेन अमृत तामाङ म्यान अफ द म्याच बनेका छन ।
जेसिज कपको १८ औँ संस्करणमा पनि फाइनलमा पुगेका यी दुई बिद्यालय मध्य वेष्ट प्वाइन्ट विजयी भएको थियो । प्रतियोगीताको फाइनल खेल भोली बिहान १० बजेदेखि संचालन हुने आयोजकले जनाएको छ ।
प्रतियोगीतामा बिजेता बिद्यालयलाई रनिङ्ग ट्रफी, मेडल र प्रमाण पत्र सहित नगद रु ५२ हजार २ सय २२ रुपैयाँ र उपविजेता बिद्यालयलाई ट्रफी, मेडल र प्रमाणपत्र सहित नगद रु ३२ हजार २ सय २२ रुपैयाँ पुरस्कारको ब्यबस्था गरिएको छ ।
Related posts
