१९ मंसिर २०७८, प्रताप बानियाँ, म्याग्दी । ‘घरैबाट सुरु गरौं, महिला हिंसा अन्त्य गरौं’ भन्ने मूल नारासहित शनिबार म्याग्दीको सदरमुकाम बेनीमा अन्तत्र्रिmया कार्यक्रम सम्पन्न भएको छ । महिला अधिकार मञ्च सचिवालय संस्था मिलन म्याग्दी, शुभ महालक्ष्मी इन्भेष्टमेन्ट प्रालि म्याग्दी र महालक्ष्मी लाइफ इन्स्योरेन्स लिमिटेड बेनी, म्याग्दीको संयुक्त आयोजनामा कार्यक्रम गरिएको हो ।

लैङ्गिक हिंसा विरुद्धको १६ दिने अभियानको अवसरमा लैङ्गिक हिंसासम्बन्धी विषयमा अन्तरक्रिया    र छलफल गरिएको आयोजकले जनाएका छन् । कार्यक्रममा महिला अधिकार मञ्चका सचिव विष्णु गौतम सापकोटा, युवासँग महालक्ष्मी लाइफका केन्द्रीय सदस्यद्वय लिलादेवी थापा, गीता फगामी, जिल्ला सदस्य कमलकुमारी पूर्जा र शुभ महालक्ष्मी इन्भेष्टमेन्ट प्रालिका सदस्य तथा नारी जागृति महिला विकास बहुउद्दश्यीय सहकारी संस्थाका अध्यक्ष चिना बानियाँले मन्तव्य व्यक्त गर्नुभएको थियो ।

कार्यक्रमको अवसरमा बीमासँग सम्बन्धित विषय तथा अभिकर्ता बनाई आर्थिक उपार्जन गरी परनिर्भरता घटाउने एवं लैङ्गिक हिंसा न्युनीकरणमा टेवा पु¥याउन अन्तत्र्रिmया गरिएको थियो । कार्यक्रममाथि महालक्ष्मी इन्स्योरेन्स लिमिटेडका धौलागिरि क्षेत्रीय प्रमुख जमुना आचार्यले सहजीकरण गर्नुभएको थियो ।
३५ जनाले सहभागिता जनाएको कार्यक्रम महालक्ष्मी लाइफ इन्स्योरेन्स लिमिटेडका धौलागिरि क्षेत्रीय प्रमुख आचार्यको अध्यक्षता, बेनी शाखा प्रमुख सावित्रा खत्रीको सञ्चालन र मिलन म्याग्दीका कोषाध्यक्ष तिलकुमारी रानाको स्वागतमा सम्पन्न भएको थियो ।

Related posts

जोमसोममा सूचना बिभागको घुम्ति शिबिर

माओवादी केन्द्रको महाधिवेशनमा म्याग्दीबाट चार जना प्रतिनिधी छनौट

तमानगाउँको ढाका कपडाले पाएन बजार

प्रमुख पदमा चुनाव लड्न महिलाहरु सक्षम छौँः अनेमसंघ म्याग्दी

मंगला कार्यसम्पादन मूल्याङ्कनमा जिल्लाको पहिलो पालिका