सोमबार, असोज २१, २०८१
शिख माविको ६७ औं बार्षिकोत्सव सम्पन्न
सेते तिलिजा पुन
शिख । म्याग्दीको अन्नपूर्ण गाउँपालिका वडा नं ५ मा अवस्थित शिख माविको ६७ औँ बार्षिक उत्सव बुधबार विविध कार्यक्रमको साथ सम्पन्न भएको छ।
बार्षिकउत्सवको असवरमा शैक्षिक सत्र २०७८ को प्रथम त्रैमासिक परीक्षाको नतिजामा प्रथम, दोस्रो र तेस्रो हुने विद्यार्थीहरूलाई पुरस्कार वितरण, विभिन्न छात्रवृत्ति वितरण र शुक्रबारे कार्यक्रममा विजय भएकाहरूलाई पनि पुरस्कार वितरण गरिएको थियो। सोही असवरमा आयोजित घैँटो फुटाउने खेलमा तेह्र जनाले भाग लिएका थिए । प्रतियोगीतामा माया पाइजा प्रथम, गोविन पुर्जा दोस्रो र लिल बहादुर तिलिजाले तेस्रो स्थान हाँसिल गर्न सफल भएका थिए ।
६७ औं वार्षिकोत्सव समारोह बिद्यालय ब्यबस्थापन समिति अध्यक्ष मीन बहादुर बुदुजा को अध्यक्षता र प्रमुख अतिथिमा सु.मे. डिल्लीराज गर्वुजाको प्रमुख आतिथ्यतामा सम्पन्न भएको हो । विभिन्न विद्यालयका प्रधानअध्यापक, शिक्षकहरु, इलाका स्वास्थ्य चौकी, हेल्थपोष्ट, टोलसुधार समिति, विभिन्न क्लवहरू, आमासमूहहरू, बिद्यालय व्यबस्थापन समितिका पदाधिकारीहरू, शिक्षक अभिभावक संघका पदाधिकारीहरूको उपस्थिति रहेको थियो । कार्यक्रमको संचालन खेम बहादुर पाइजाले गर्नुभएको थियो ।
Related posts
