विहिबार, भदौ २७, २०८१
ओलीले प्रस्ताव गरेको एमालेको केन्द्रिय कमिटीमा म्याग्दीका तीन नेताको नाम
चितवनको सौराहमा जारी नेकपा एमालेको दशौ महाधिबेशनमा अध्यक्ष मण्डलले प्रस्ताव गरेको केन्द्रिय कमिटिमा म्याग्दीका तीन जना नेताको नाम परेको छ ।
ओलीद्धारा प्रस्तावित ३०१ सदस्यीय केन्द्रिय समितिमा म्याग्दीबाट थममाया थापा, भुपेन्द्रबहादुर थापा र नरदेबी पुनको नाम परेको हो । केन्द्रिय कमिटीमा आकांक्षी बन्नुभएका नवराज शर्मा र हरिकृष्ण श्रेष्ठको नाम भने ओलीले घोषणा गरेको नामावलीको बिबरणमा छैन् ।
ओलीले थममाया थापा महिला, भुपेन्द्र थापा र नरदेबी पुनलाई गण्डकी प्रदेशको कोटामा केन्द्रिय सदस्य प्रस्ताव गर्नुभएको हो । महाधिवेशनको बन्दसत्रको दोस्रो दिन आइतबार राती ओलीले १९ पदाधिकारी र केन्द्रीय कमिटी घोषणा गर्नुभएको थियो । केन्द्रिय सदस्यमा सिफारिस थापा द्वय यस अघि पनि केन्द्रिय सदस्य हुनुहुन्थ्यो र दुबै जना प्रतिनिधि सभा सदस्य पनि हुनुहुन्छ । त्यस्तै पुन भने पहिलो पटक केन्द्रिय सदस्यमा सिफारिस हुनुभएको हो । पुन पार्टीको गण्डकी प्रदेश कमिटि सदस्य तथा प्रदेश सभा सदस्य हुनुहुन्छ ।
ओलीले खुला, महिला, प्रदेश हुँदै, दलित, जनजाति, मजदुरलगायत विभिन्न वर्गबाट केन्द्रीय सदस्य बन्नेहरूको नाम हलमा पढेर सुनाउनु भएको थियो । अध्यक्ष मण्डलको बैठक बसेर यी नामलाई अन्तिम रुप दिएको थियो । बन्दसत्रले पदाधीकारी र केन्द्रिय कमिटी चयन गर्ने अधिकार अध्यक्ष मण्डललाई दिएको थियो ।
यसैविच एमालेको अध्यक्षमा भने केपी शर्मा ओली र भिम रावलले उम्मेदवारी दर्ता गर्नुभएको छ । सहमतिलाई अस्वीकार गर्दै आफु अध्यक्षमा चुनावनै लड्ने पक्षमा रावल देखिएपछि ओली र रावल बिच चुनाव हुने भएको हो । त्यस्तै ओलीको लिस्टमा नपरेका घनश्याम भुषालले उपाध्यक्षमा र भिम आचार्य र टंक कार्कीले सचिव पदमा उम्मेदवारी दिएका छन ।
सहमति नभएका अन्य पदहरुमा पनि निर्वाचन हुने जनाइएको छ । आज राती ९ बजे देखि भोली बिहान ३ बजे सम्म निर्वाचनको समयाबधि तोकिएको छ ।
Related posts
