सोमबार, असोज २१, २०८१
प्रगति युवा क्लबको विविध कार्यक्रम सम्पन्न
म्याग्दी । म्याग्दीको धौलागिरी गाउँपालिका ६ मराङ्गको अर्वाङ्गमा प्रगति युवा क्लब द्वारा बिजया दशमिको अबसरमा आयोजित विविध खेलकुद तथा सांस्कृतिक कार्यक्रम सम्पन्न भएको छ ।
गत कार्तिक १ गते देखि सुरु भएको कार्यक्रमको बुधबार समापन गरिएको हो । कार्यक्रममा पुरुष बास्केटवल, पुरुष भलिवल, महिला भलिवल लगाएतका प्रतियोगीताहरु संचालन गरिएको थियो । पुरुष बास्केटवल प्रतियोगीतामा घारसुन्ना लालीगुँरास युवा क्लब वाखेत प्रथम र मण्डली युवा क्लव चिमखोला दित्तिय भएका छन ।
प्रथम र दित्तियले क्रमश ४४ हजार र २९ हजार नगद पुरस्कार प्राप्त गरका छन । त्यस्तै पुरुष भलिवल खेल तर्फ भगवति युवा क्लव राखु प्रथम र पुन युनाइटेड युवा क्लव निस्कोट दित्तिय भएको क्लव अध्यक्ष चक्र पुनले जानकारी दिनुभएको छ ।
बिजेता टिमले क्रमश ५९ हजार र ४३ हजार नगद पुरस्कार प्राप्त गरेका छन । महिला भलिवलमा एकता युवा क्लव दग्नाम प्रथम भई नगद रु २५ हजार पुरस्कार प्राप्त गरेको छ भने न्यु बराह स्पोर्टस क्लव भेडिखाल्टाले दित्तिय स्थान हाँसिल गरि नगद रु १५ हजार पुरस्कार प्राप्त गरेको अध्यक्ष पुनले जानकारी दिनुभयो ।
बिजेता समुहलाई जन बिकास आधारभूत बिद्यालय अर्वाङ्ग बिद्यालय ब्यबस्थापन समितिका अध्यक्ष पूर्ण बहादुर गुरुङ्ग, क्लव अध्यक्ष पुन, अफिसियल कुमार किसान लगाएतले पुरुकार बितरण गर्नुभएको थियो । स्थानीय कला संस्कृतिको प्रबद्र्धन र खेलकुदको बिकास गर्ने उद्देश्यले कार्यक्रमको आयोजना गरिएको क्लवले जनाएको छ ।
Related posts
