आईतबार, भदौ ३०, २०८१
नेपाल राष्ट्रिय भूतपुर्व सैनिक तथा प्रहरी संगठन म्याग्दीको अध्यक्षमा दिपक जिसी
नेकपा एमाले निकट नेपाल राष्ट्रिय भूतपुर्व सैनिक तथा प्रहरी संगठन म्याग्दीको अध्यक्षमा दिपक जिसी चयन हुनु भएको छ । एमालेमा आस्था राख्ने पुर्व सैनिक तथा प्रहरीहरुकोे पार्टी कार्यालय हाँडेभिरमा भएको भेलाले जिसीलाई संगठनको अध्यक्ष चयन गरेको हो ।
संगठनको उपाध्यक्षमा धर्मराज बानियाँ, सचिवमा रमेश फगामी, कोषाध्यक्षमा पुर्ण बहादुर जिसी, सह– सचिवमा सुर्यबहादुर केसी र सह–कोषाध्यक्षमा तोरण बहादुर बुढाथोकी लाई चयन गरीएको सचिव रमेश फगामीले बताउनु भयो । त्यसैगरी समितीको सदस्यहरुमा तिलक पुन, तोरण बहादुर बुढाथोकी, कुल बहादुर घर्ती मगर, खुमबहादुर थापा, दलबहादुर भण्डारी, सुन्दर स्याम बिक, भिमबहादुर खत्री र तिलक प्रसाद श्रेष्ठलाई चयन गरीएको फागामीले बताउनु भयो । संगठनका सदस्य रहनु भएका तिलक प्रसाद श्रेष्ठ नेपाली कांग्रेस परित्याग गरि आज नै नेकपा एमालेमा प्रवेश गर्नु भएको थियो ।
भेलालाई सम्बोधन गर्दै नेकपा एमाले गण्डकी प्रदेश कमिटी सदस्य तथा म्याग्दी जिल्ला अध्यक्ष हरिकृष्ण श्रेष्ठले राष्ट्र र राष्ट्रियताको सभावलमा नेकपा एमाले सतिसाल झै उभिरहने पार्टी रहेको बताउनु भयो । उहाँले सुखी नेपाली समृद्ध नेपाल बन्नका लागि फेरी पनि एमाले सरकारको आवश्यकता देशमा रहेको बताउनु भयो । राष्ट्रका लागी दुख र बलिदान दिएका पुर्व सैनिक तथा प्रहरीहरुले राष्ट्र, राष्ट्रियता र जनताको लागि एमालेको सरकार बनाउन लडाई लढ्नका लागि समेत तयार हुनु पर्ने बताउनु भयो । उहाँले देशमा वर्तमान अवस्थामा स्वार्थ र पद पैसाका लागि मरिहत्य गर्नेहरुले जनताबाट चुनिएको एमालेको सरकारलाई परमादेशबाट निकालेर रमिता देखाई रहेको भन्दै नेकपा एमाले पुन जनताबाट नै सरकार सञ्चालन गर्ने ठाउँमा पुग्ने बताउनु भयो । वर्तमान स्वार्थसहितको गठबन्धनको सरकारले २ महिना बित्दा समेत मन्त्रिपरीषद् गठन गर्न नसक्नु, मनिपाल शिक्षण अस्पताल जस्ता सरकारी सम्पतीको बिकृ बितरण गर्नु, माफियालाई मन्त्री पदमा नियुक्त गर्नु जस्ता गैह् जिम्मेवार निर्णय गरेको बताउनु भयो ।
त्यसैगरी प्रदेश कमिटी सदस्य खुमबहादुर बानियाँले एमालेको ओली सरकारले ल्याएको जनमुखी बिकास बजेटहरुलाई कटौति गरेर बिकास बिरोधी सरकार रहेको प्रमाणीत गरेको बताउनु भयो । उहाँले स्वार्थका कारण प्रमादेश र गठबन्धनबाट आएको वर्तमान शेरबहादुर देवाको सरकार केही महिना पनि टिक्न नसक्ने बताउनु भयो ।
भेलामा नेपाल राष्ट्रिय भुपु सैनिक तथा प्रहरी संगठनका केन्द्रीय सदस्य बिर्ख बहादुर गर्बुजा, धौवलागिरी गाउँपालिकाका उपाध्यक्ष रेशम छन्त्यालले शुभकामना मन्तब्य राख्नु भएको थियो । संगठनका अध्यक्ष जिसीको अध्यक्षतामा सम्पन्न भएको भेलामा स्वागत मोहन बानियाँ र सञ्चालन रमेश फगामीले गर्नु भएको थियो ।
Related posts
