आईतबार, भदौ ३०, २०८१
गलेश्वरधाम जेष्ठ नागरिक आश्रममा बस्ने बृद्धहरुलाइ एनआरएनए जापान क्युस्युद्धारा दर खुवाइयो
गैर आवासीय नेपाली संघ जापान क्युस्यु क्षेत्रीय कमिटिले म्याग्दीको गलेश्वर स्थित गलेश्वरधाम जेष्ठ नागरिक आश्रममा रहेका जेष्ठ नागरिक हरुलाइ दर खुवाएको छ ।
हरितालिका तिजको अबसर पारी आश्रममा रहेका ४२ जना र अन्य १३ जना गरि ५५ जना जेष्ठ नागरिकलाइ दरको परिकार खुवाएको एनआरएनए क्युस्यु सदस्य उज्ज्वल बानियाँले जानकारी दिनुभयो ।
आफ्नो परिवार नभएका तथा अन्य कारणबाट परिवार भन्दा टाढा रहि आश्रममा शरण लिइ बसेका बृद्धहरुलाइ प्रदेशबाट माइतिको सम्झना स्वरुप रु २१ हजार बराबरको खर्चमा दर खुवाइएको बानीयाँले बताउनु भयो ।
दर खुवाउने कार्यक्रममा आश्रमका कार्यबाहक अध्यक्ष बम बहादुर पुन र गलेश्वर शिवालय क्षेत्र बिकास कोषका कार्यबाहक अध्यक्ष पण्डित भिमनाथ पराजुली को बिशेष उपस्थिति रहेको थियो ।
एनआरएनए क्युस्युले हाल सम्म बिभिन्न सामाजिक सेवाका गतिबिधि गर्दै आइरहेको र यस प्रकारका कार्यलाइ आगामी दिनमा पनि निरन्तरता दिदै जाने संयोजक अर्जुन थापाले बताउनु भयो ।
Related posts
