हिमाली जिल्ला म्याग्दीमा गत बैशाख महिना देखि यता मनसुनका कारण आएको प्राकृतिक बिपत्ती बाट तिन जना म्याग्देलीले ज्यान गुमाएका छन् । जिल्लाको मंगला गाउँपालिकाको २ जना र रघुगंगा गाउँपालिकाको १ जनाले विपद्का कारण ज्यान गुमाएका हुन् ।
साथै विपद्को कारण नै जिल्ला भरि ७ जना घाइते बनेका छन् । बेनी नगरपालिकाको १ , मंगला गाउँपालिकाको २ रघुगंगा गाउँपालिकाको १ र अन्नपुर्ण गाउँपालिकाको ३ गरी सात जना घाईते भएको जिल्ला प्रहरी कार्यलय म्याग्दीले जनाएको छ । यस बर्ष हाल सम्म विपद्को कारण बेपत्ता भने कोही भएका छैनन् । ९७४ वटा पशुचौपयाको मृत्यु भएको छ । ५ गाउँपालिका र एक नगरपालिका सहित ६ स्थानिय तह रहेको म्याग्दी जिल्लामा १२१ घर बाढी, पहिरो तथा खोलाको कटानले गर्दा पुर्ण रुपमा क्षेति भएको जिल्ला प्रहरी कर्यालय म्याग्दीका प्रहरी नायव उपरिक्षक श्याम कुमार राईले बताउनु भयो । त्यसैगरी १३ घरमा आंशिक क्षेती पुगेको छ भने १६२ घर उच्च जोखिम र ४३ घर जोखिममा परेका छन् । घरमा क्षेति पुगेपछि जिल्लामा ६९४ महिला र ७१३ पुरुष गरी कुल १६३८ जनसंख्या घरबास बिहीन बनेका छन् ।
त्यसैगरी पशुचौपया बाध्नका लागि निमार्ण गरीएको २ वटा गोठ पुर्ण रुपमा क्षेति बनेको छ भने बाँकी २ वटा गोठमा आंशिक क्षेती पुगेको प्रहरी कार्यालयको तथ्याङ्कले देखाएको छ । बिपद्बाट विद्यालय भवन तर्फ बेनी नगरपालिका, मालिका गाउँपालिका र अन्नपुर्ण गाउँपालिकामा रहेका एक÷एक विद्यालय गरी तिन विद्यालय भवनमा क्षेति पुगेको छ ।
गत बर्ष भन्दा यस बर्ष जिल्लामा विपद्को कारण मानविय क्षेतिमा भने कम भएको छ । गत बर्षको असार २५ र २६ गते मात्रै धवलागिरीकोे मराङ्ग र मालिकाको विम लगायतका अन्य स्थानमा आएको बाढी र पहिरोमा परि ३२ जनाले ज्यान गुमाएका थिए । तर यस बर्ष भने पानी परीरहेता पनि जिल्ला स्थित सम्बन्धित निकाय र स्थानीयहरुले उच्च सर्तकता अपनाएका कारण हाल सम्म मानविय क्षेति भने कम भएको हो ।
कुल २,२९७ वर्ग कि.मी. (२,२९,७०६ हे.) क्षेत्रफलमा फैलिएको म्याग्दी जिल्ला भौगोलिक अवस्थितिका हिसाबले ८३००८’ देखि ८३०५३’ पूर्वी देशान्तरसम्म र २८०२०’ देखि २८०४७’ उत्तरी अक्षांससम्म फैलिएको छ । यस बर्ष जिल्लामा विपद्को कारण २ सय ९७ भन्दा बढी बर्ग कि.मी क्षेत्रफलमा फैलिएको भु–भागमा क्षेति पुगेको अनुमान रहेको छ । बर्षेनि बिना योजना तथा भुगोलको अवस्थाको बारेमा अध्ययन नै नगरी सडक बाटो निमार्ण गर्दा जिल्लाको २० भन्दा बढी स्थानमा रहेका बस्तीहरु कटान तथा पहिरोको जोखिममा परेका छन् । सदमुकाम बेनी सहित दोस्रो ठुलो बजारको रुपमा रहेको दरवाङ बजार, तातोपानी बजार, गलेश्वर, बावियाचौर, सिंगा, भुरुङ्ग–तातो पानी, दाना लगायतका बजारी क्षेत्रहरु कालिगण्डकी र म्याग्दीनदिको कटानमा पर्दै आएका छन् । अलि ठुलो पानी पर्ना साथ जिल्लाको बेनी बजार देखि पुर्व तिर रहेको गलेश्वर र पश्चिमी भेग तिर सडक अबरुद्ध हुन्छ । पानी पर्ना साथ पहिरो जान्छ , सडक सहित पैदल मार्ग समेत अबरुद्ध हुन्छ । बर्खाको समयमा जिल्लाको करिब ७५ प्रतिसत मानिसहरुले विपद्को कारण सास्ति झेल्दै आउनु परेको छ ।

Related posts

बेनी बजारका पुराना चौतारी संरक्षण गरिदै

बेसक्याम्प पुग्न थाले आरोही

म्याग्दीमा ५८ प्रतिशत बढी मत खस्यो, मतपेटिका संकलन सुरु

२० दिनदेखि वेपत्ता बरंजाकी पुष्पाको शव भेटियो

डेंगुबाट हालसम्म ३८ को मृत्यु, २८ हजार १०९ संक्रमित