शनिबार, माघ १२, २०८१
महभिरको पहिरोले पुरिएको मोटरसाइकल निकालियोः अवरुद्ध सडक खुलाईयो
म्याग्दी । बेनी जोमसोम सडक अन्र्तगत म्याग्दीको अन्नपूर्ण गाउँपालिका–७ महभिरमा शनिबार राती पहिरोमा पुरिएको मोटरसाइकल निकालिएको छ । बेनी देखि शिखतर्फ जांदै गरेको ध २ प ६०३३ नम्बरको पल्सर कम्पनीको सो मोटरसाइकल गुडीरहेको अवस्थामा शनिबार राती पहिरो खसेर पुरिएको थियो ।
मोटरसाइकलका चालक भने भागेर ज्यान बचाउन सफल भएका छन् । महभिर देखि माथिको भिरमा नयाँ पहिरो सिर्जना भएको छ । बेनी जोमसोम कोरला सडक आयोजनाले आइतबार बिहान सडक विभागको डोजर परिचालन गरेर मोटरसाइकल निकाल्नुका साथै अवरुद्ध सडक खुलाएको छ ।
आइतबार बेनी जोमसोम सडक सूचारु रहेको छ । रातीको समयमा बेनी जोमसोम सडकमा यात्रा नगर्न स्थानीय प्रशासन र बेनी जोमसोम कोरला सडक आयोजनाले अनुरोध गरेको छ ।
Related posts
