सोमबार, वैशाख १५, २०८२
बेनी खानेपानी संस्थाको २४ औँ वार्षिक साधारणसभा (तस्विरहरु)
बेनी खानेपानी तथा सरसफाई उपभोक्ता संस्थाको २४ औँ वार्षिक साधारणसभा तथा ११ औँ अधिवेशनको आइतवार प्रतिनिधिसभा सदस्य खम्विर गर्वुजाले उद्घाटन गर्नुभएको छ ।
संस्थाले हाल सम्म ११ सय १४ नीजि धाराबाट बेनी बजार र आसपासका २२ हजार जनसंख्यालाई २४ सै घण्टा स्वच्छ पानी उपलब्ध गराउँदै आएको छ । संस्थाका सचिव राजेन्द्र कुमार श्रेष्ठले वार्षिक प्रगति र कोषाध्यक्ष टंक हमालले आर्थिक प्रतिवेदन प्रस्तुत गर्नुभएको थियो ।
संस्थाको गत आर्थिक वर्षमा आम्दानी २ करोड ६१ लाख ९८ हजार ३ सय ७४ र खर्चतर्फ २ करोड ४६ लाख ७३ हजार २ सय ८६ रहेको कोषाध्यक्ष हमालद्वारा प्रस्तुत प्रतिवेदनमा उल्लेख गरिएको छ । त्यस्तै संस्थाले गत आर्थिक वर्षको ८७ लाख ८८ हजार ८ सय ९१ रुपैयाँ नगर विकास कोषलाई तिर्न बाँकी रहेको जनाएको छ ।
कार्यक्रममा बेनी नगर प्रमुख सुरत केसी, प्रमुख जिल्ला अधिकारी लक्ष्मण ढकाल, संस्थाका पूर्व अध्यक्ष हरिकृष्ण श्रेष्ठ, सुवास कुमार श्रेष्ठ लगायत विभिन्न संघ, संस्था तथा कार्यालयका प्रमुख तथा प्रतिनिधिहरुको उपस्थिति रहेको छ । संस्थाको नयाँ नेतृत्व समेत आजै चयन हुने बताईएको छ ।
Related posts
