म्याग्दीको बेनी नगरपालिका ५ डडुवामा दिर्घ बहादुर भण्डारीको अध्यक्षतामा ५५ सदस्यीय राष्ट्रीय युवा संघ नेपालको टोल कमिटी गठन भएको छ । समितीको उपाध्यक्षमा प्रविन रसाइली, सचिवमा सागर बानियाँ, सह–सचिवमा विनोद भण्डारी र कोषध्यक्षमा रञ्जु विक सहित ५५ सदस्यीय टोल कमिटी गठन भएको यूवा संघ म्याग्दीका नेता विजय घर्ती मगरले बताउनु भयो ।

कमिटी गठन कार्यक्रमलाइ सम्बोधन गर्दै नेकपा म्याग्दीका सचिवालय सदस्य सुरज केसीले युवाहरु समाज परिवर्तनको संवाहक भएको बताउँदै युवाहरु नेतृत्व लिनका लागि अगाडि बढ्नु पर्ने बताउनु भयो । उहाँले युवा पुस्ताहरुले यतिवेला नेतृत्वको जिम्मेवारी लिएर देश र जनताको लागि बलिदान दिन तयार हुनुपर्ने बताउनु भयो । त्यसैगरी अनेरास्ववियूका केन्द्रीय सदस्य तथा जिल्ला अध्यक्ष सुबास विश्वकर्माले देशमा राजनैतिक अस्थिरता निम्त्याउन र जनतामा भएको विकासको आशामा पार्टी भित्रैका केही नेताले तुसरापात गर्न थाले पछि प्रधानमन्त्रीले बाध्य भएर संसद विघटन गर्नु परेको बताउँनु भयो । संवैधानिक आयोगमा रिक्त रहेका पदमा पदपूर्ति गर्ने देखि सरकार सञ्चालनका काममा नै पदको बाँडफाँडको हिसाब किताब गर्न थाले पछि प्रधानमन्त्रीले संसद विघटन गर्न बाध्य भएको बताउनु भयो ।
त्यसैगरी युवा संघ म्याग्दीका नेता विजय घर्तीमगरले गाउँगाउँ र टोल टोलमा युवा संघ गठन गर्ने अभियान आफुहरुले सञ्चालन गरेको बताउँदै अब टोल टोलमा युवा संघ गठन गरीने बताउनु भयो । कार्यक्रम युवा संघ नेपाल म्याग्दीका पुर्व सचिव दिनेश कार्कीको अध्यक्षता, युवा संघ डडुवाका नेता सन्दिप भण्डारीको सञ्चालन र अनेरास्ववियू म्याग्दीको सदस्य उदय दर्जी तथा नेकपाका स्थानिय नेता तोकबहादुर कार्कीको स्वागतमा मा सम्पन्न भएको थियो ।

Related posts

एसएसबीको ज्यादतीका बिरुद्ध अनेरास्ववियु र युवा संघ नेपालले गरे म्याग्दीमा बिरोध प्रर्दशन

देशको निर्णायक अधिकार नेपालीको हातबाट खोसियोः अध्यक्ष लिङ्देन

मदन भण्डारीको जन्मजयन्तीमा मंगलामा वृक्षारोपण

देउसीभैलोबाट सङ्कलित रकमले पुस्तकालय स्थापना

विभाग बनाइसकेँ, अरु विषयमा छलफल गर्न तयार छुः देउवा