शनिबार, मंसिर २२, २०८१
म्याग्दीका समन्वय प्रमुख थापा चिन प्रस्थान
म्याग्दी । जिल्ला समन्वय समिति म्याग्दीका प्रमुख राज कुमार थापा चिन प्रस्थान गर्नुभएको छ । चिनको सिचुवान प्रान्त छेन्दुङमा सिचुवानको काउन्सिलको आयोजनामा संचालन हुने १२ औँ (सिचुवान) दक्षिण एसिया र दक्षिणपूर्वी एसियाका व्यापार सम्वन्धी शिखर सम्मेलनमा सहभागि हुन समन्वय प्रमुख थापा सोमवार दिउसो चिन प्रस्थान गर्नुभएको हो ।
सम्मेलन चिनको सिचुवानमा नेपाली पात्रो अनुसार असार १२ देखि १४ गते सम्म संचालन हुँदै छ । संघीय मामिला तथा सामान्य प्रशासन मन्त्रालय अन्तर्गत प्रमुख थापाको भ्रमणलाई असार ५ गते बसेको मन्त्री परिषदको वैठकले स्वीकृत गरेको थियो ।
चिन भ्रमणको अवसरमा प्रमुख थापाले चिनको सिचुवान प्रान्तको विकास मोडल, त्यहाँको रहन सहन लगायतको विषयमा अध्ययन समेत गर्नुहुने भएको छ । सम्मेलनमा सहभागि भई असार १५ गते स्वदेश फर्किने कार्यक्रम रहेको थापाका स्वकिय सचिव धन बहादुर रोका समिरले जानकारी दिनुभयो ।
Related posts
