बुधबार, चैत्र ५, २०८१
नगर स्तरीय तेस्रो राष्ट्रपति रनिङ्ग शिल्ड प्रतियोगिताको उपाधि प्रकाश माविलाई
म्याग्दी । बेनीमा मंगलबार सम्पन्न भएको बेनी नगरस्तरीय तेस्रो राष्ट्रपति रनिङ्ग शिल्ड प्रतियोगिताको उपाधि बेनीको प्रकाश माविले जितेको छ । प्रकाश माविले १५ स्वर्ण, ५ रजत र ९ काश्य सहित २९ मेडल प्राप्त गरी प्रथम भएको हो ।
त्यस्तै बेनीकै माउण्ट एभरेष्ट आमाविले १० स्वर्ण, १० रजत र ९ काश्य सहित कुल २९ मेडल प्राप्त गरी उपविजेता बनेको छ । यसैगरी बेनीकै न्यू वेष्ट प्वाइन्ट आमाविले ८ स्वर्ण, १४ रजत र ८ काश्य सहित कुल ३० मेडल प्राप्त गरी तितृय हुन सफल भएको छ ।
विजेता विद्यालय र विद्यार्थी खेलाडीहरुलाई कार्यक्रमका प्रमुख अतिथि प्रतिनिधिसभाका सांसद खमबहादुर गर्बुजा,बेनी नगरका प्रमुख सुरत केसी,उपप्रमुख ज्योती लामिछाने लगायतले नगद पुरस्कार,ट्रफि र प्रमाणपत्र वितरण गर्नुभएको थियो ।
प्रतियोगितामा प्रथम, द्धितिय र तृतीय हुने विद्यालयले क्रमशः एकाउन्न हजार, चालिस हजार र २५ हजार पुरस्कार प्राप्त गरेका छन् । प्रतियोगितामा २५ विद्यालय सहभागि भएकोमा १९ विद्यालयले विभिन्न विधामा मेडल प्राप्त गर्न सफल भएका छन्
Related posts
