मंगलाघाटका फगामीद्वारा जन्मदिनको अवसरमा बालगृहमा खाद्यान्न सहयोग

म्याग्दी । म्याग्दीको बेनी नगरपालिका वडा नम्वर ७ मंगलाघाट निवासी रमेश फगामीले आफ्नो जन्म जिनको अवसरमा म्याग्दी बालगृहका बालबालिकाहरुलाई खाद्यान्न सहयोग गर्नुभएको छ ।

बेनी नगरपालिका –७ का वडा सदस्य समेत रहनुभएका फगामीले आफु ४८ औँ बर्षमा प्रवेश गरेको अवसरमा बिहिबार विहान बालगृहका बालबालिका रु २५ हजार ५०० रुपैयाँ बराबरको खाद्यान्न प्रदान गर्नुभएको हो ।

नुन, तेल, दाल, चामल, चिनी लगायतका खाद्यान्नहरु नेपाल बाल संगठनका सचिव सन्दिप खत्रीलाई हस्तान्तरण गरिएको फगामीले बताउनुभयो ।

साथीभाईहरुलाई पार्टी दिदै अनावश्यक खर्च गरेर जन्मदिन मनाउन भन्दा जन्मदिनको अवसरमा सामाजिक सेवा गर्ने चाहनाले बालगृहका बालबालिकालाई खाद्यान्न उपलब्ध गराएको फगामीले बताउनुभयो ।

जन्मदिनको अवसरमा बालगृहका बालबालिकालाई खाद्यान्न सहयोग गर्दै पूण्य कार्य गर्नुभएकोमा फगामीलाई धन्यवाद दिदै बाल संगठनका सचिव खत्रीले सेवा नै सवैभन्दा ठुलो धर्म भएको बताउनुभयो ।

‘फजुल खर्च गर्ने होइन, बरु दुखि, गरिव असहायहरुलाई सहयोग गर्ने भावना हामी सवैमा हुनुपर्दछ’, फगामीले भन्नुभयो । फगामीले बालगृहका बालबालिकाहरुले जन्मदिनको शुभकामना प्रकट गरेका थिए ।

नेकपा एमाले बेनपा ७ का वडा कमिटी अध्यक्ष समेत रहनुभएका फगामीले यस अघपनि विभिन्न सामाजिक कार्यहरुमा सहयोग गर्दै आउनुभएको छ ।

 

You can share this post!

म्याग्दीबाट प्रतिनिधि र प्रदेशसभामा बाम–लोकतान्त्रिक गठवन्धन विजयी

पर्वतबाट प्रतिनिधिसभामा एमालेका पदम गिरी निर्वाचित

Related posts