शनिबार, साउन १२, २०८१
डेंगुबाट हालसम्म ३८ को मृत्यु, २८ हजार १०९ संक्रमित
डेंगु संक्रमणबाट एकैदिन दुई जनाको ज्यान गएको छ । स्वास्थ्य तथा जनसंख्या मन्त्रालयका अनुसार डेंगु संक्रमणबाट पछिल्लो २४ घण्टामा दुई जनाको मृत्यु भएको हो ।
योसँगै डेंगुबाट हालसम्म मृत्यु हुनेको संख्या ३८ पुगेको छ भने २८ हजार १०९ जनामा डेंगु संक्रमण भेटिएको स्वास्थ्य तथा जनसंख्या मन्त्रालयले जनाएको छ । हाल देशभरका ७७ वटै जिल्लामा संक्रमण फेला परिरहेको छ ।
स्वास्थ्य मन्त्रालयले डेंगुबाट बच्न फोहर जम्मा भएको ठाउँ सफा गर्न र पूरा बाहुला भएको कपडा लगाउन अनुरोध गरेको छ । डेंगुको जोखिम बढिरहेकाले सचेत र सुरक्षित रहन आग्रह समेत गरिएको छ ।
Related posts
