शुक्रबार, चैत्र ७, २०८१
हेमन्त कान्छाको सारङ्गी बेलायतमा गुञ्जीदै
अमित बिश्वकर्मा 
म्याग्दी जिल्लामा जन्मनु भएका लोकप्रीय लोक गायक एवम् राष्ट्रिय स्तरमै चर्चित सारङ्गी वादक हेमन्त कान्छा रसाईलीले बेलायतमा कार्यक्रम ‘सारङ्गी संग’ एकल सारङ्गी साँझ आयोजना गर्न लाग्नुभएको छ ।
म्याग्दी प्रवासी नेपाली संघ मोना युकेको निमन्त्रणामा सांगीतिक कार्यक्रमका लागि ४ महिना अघि बेलायत पुग्नुभएका गायक हेमन्त कान्छाको यहि भदौ २५ गते (१० सेप्टेम्वर) मा एकल साँझ हुने भएको हो । बेलायतको हल्डरसोट स्थित एम्पाएर हलमा हुने कार्यक्रमको तयारी अन्तिम चरणमा पुगेको गायक रसाईलीले बताउनुभयो ।
‘सारङ्गी संग’ एकल साँझमा गायक हेमन्त कान्छा सारङ्गीका मिठा धुनहरु र पुराना मौलिक लोक भाका सहित प्रस्तुत हुनुहुनेछ । लाईभ कार्यक्रमका लागि बाँसुरीमा दिनेश गुरुङ, मादलमा मिन गुरुङ, तुलसी राना, रेशम पाचे, हार्मोनियममा कुमार गुरुङ, गीतारमा दिप्सन विके र अक्टोप्याडमा विलन थापाले साथ दिनेभएका छन ।
सांगीतिक कार्यक्रमका लागि युकेमै रहनुभएका लोकप्रीय गायीका विमला श्रीषको पनि विशेष प्रस्तुति रहने साँझमा निर आलेको वेजोड कमेडी रहने छ । भने मन सुधन थापाले कार्यक्रम संचालन गर्ने गायक रसाईलीले बताउनुभयो ।
एकल सारङ्गी साँझ सफल बनाउनका लागि पुरन गिरीले हल व्यवस्थापन गरिदिनुभएको छ । त्यस्तै थुपै मनकारी व्यक्तिहरुको साथ सहयोग मिलेको गायक रसाईलीको भनाई छ । मन ट्राभलको आयोजनामा हुन लागेको सारंगी साँझमा गायक रसाईलीले आफूले अहिलेसम्म बजाएका करिव १२ हजार गीतमध्य दर्शक श्रोतामाझ लोकप्रीय बनेका सारङ्गीका उत्कृष्ट धुनहरु लाईभ प्रस्तुत गर्नुहुनेछ ।
त्यस्तै उहाँले गाउनुभएको काचो सुन्तला, बालापन, भाग्यमानी, किन होला खै, फुल रोको कसले देख्छ र, कर्मै हाराको, लाहुर लगायतका गीतहरु सारङ्गीमा गाउनुहुने कार्यक्रम रहेको छ । यसवाहेक रेलको ढोक बन, झलकमान गन्धर्वको हे वरै लगायतका पुराना मौलिक लोकभाकाहरुमा पनि हेमन्तको स्वर र सारङ्गी गुञ्जाएमान हुने तयारी गरिएको छ ।
म्याग्दीको मालिका गाउँपालिका–४ चिउरीबोट मठ्ठ डाँडामा जन्मिएका हेमन्तले बेलायतमा सारङ्गी संग एकल साँझ कार्यक्रम गर्नुको मुख्य उद्देश्य नेपाली माटोको सुगन्ध छर्ने, नेपालीको जनवीजनको कथा बोल्ने सारङ्गीको संरक्षण गर्नु रहेको बताउनुभयो ।
युकेमा मेरो लागि यो ऐतिहाँसिक कार्यक्रम हुनेछ, गायक हेमन्त कान्छाले भन्नुभयो, कार्यक्रम आयोजना गर्नका लागि बेलायतमा रहेका म्याग्देली तथा नेपालीहरुको महत्वपूर्ण साथ सहयोग प्राप्त भएको छ ।
सेप्टेम्वर १० तारिखका दिन कार्यक्रममा उपस्थित भैदिन उहाँले म्याग्देली तथा गैर म्याग्दीलाई सम्पुर्ण युकेबासीहरुलाई निमन्त्रणा समेत गर्नुभएको छ । ४ महिनाको युके बसाईमा करिव २० वटा जति सांगीतिक कार्यक्रममा सहभागी हुनुभएका हेमन्तको यो युके बसाईको अन्तिम कार्यक्रम पनि हो ।
कार्यक्रमकै अवसरमा मोनाले उहाँलाई विदाई समेत गर्ने कार्यक्रम रहेको बताईएको छ । बेलायतमा सारङ्गीको धुन गुञ्जाउने यो सुनौलो अवरमा सृजना गरिदिएकोमा मन ट्राभल्सका संचालक बागविर पुन लगायतका सहयोगीहरुलाई गायक हेमन्तले आभार प्रकट गर्नुभएको छ ।
Related posts
