शुक्रबार, वैशाख ७, २०८१
जन्मदिनको अवसरमा विद्यालयमा अक्षकोष स्थापना
म्याग्दी । म्याग्दीका एक शिक्षकले आफ्नो जन्मदिनको अवसरमा विद्यालयमा अक्षयकोष स्थापना गर्नुभएको छ ।
जिल्लाको बेनी नगरपालिका –९ नेप्टेचौर स्थित राष्ट्रिय माविका शिक्षक शंकर चोखाले बैशाख १३ गते ( आज) परेको जन्मदिनको अवसरमा अक्षयकोषका लागि रु ११ हजार १ सय ११ रुपैयाँ प्रदान गर्नुभएको हो ।
नेप्टेचौर निवासी चोखालले गत बर्षको जन्मदिनमा विद्यालयमा अक्षयकोष स्थापना गर्नुभएको थियो । प्रत्यक बर्ष रकम जम्मा गर्ने गरि स्थापना गरिएको कोषमा यस बर्ष पनि रु ११ हजार १ सय ११ रुपैयाँ सहयोग प्रदान गर्नुभएको हो ।
यो संगै कोषको रकम हाल २२ हजार २ सय २२ रुपैयाँ पुगको छ । उहाँले सो रकम विद्यालयका लेखापाल रामचन्द्र पौडेललाई हस्तान्तरण गर्नुभएको हो ।
राष्ट्रिय मावि र आसपासका गरिव तथा विपन्न विद्यार्थीलाई अध्ययनमा सहयोग गर्नका लागि आफैले व्यक्तिगत रुपमा अक्षयकोष स्थापना गरेको शिक्षक चोखालले बताउनुभयो ।
अक्षयकोषमा प्रत्यक बर्षको जन्मदिनमा रकम थप्दै जाने योजना रहेको उहाँले बताउनुभयो । राष्ट्रिय माविकामा अंग्रेजी बिषय अध्यापनरत शिक्षक चोखालले जन्मदिनको अवसरमा हुने फजुल खर्चलाई कम गरि बचत गर्ने बानीको विकास गर्न विद्यार्थीहरुलाई पनि अनुरोध गर्दै आउनुभएको छ ।
Related posts
