शुक्रबार, वैशाख ७, २०८१
अनेरास्ववियुको गलेश्वर मावि तोरिपानिमा संगठन बिस्तार
म्याग्दी। नेकपा एमाले निकट बिद्यार्थी संगठन अनेरास्ववियु जिल्ला कमिटि म्याग्दीले संगठन बिस्तार तथा सुदृढिकरण अभियान अन्तर्गत जिल्लाको शैक्षिक संस्था गलेश्वर माविमा कमिटी गठन गरेको छ । सोमबार कक्षा ११ र १२ को संयुक्त कमिटि गठन भएको हो ।
सरु शाहीको अध्यक्षतामा डीजन थजाली उपाध्यक्ष, संगीता थापा सचिब, सुस्मिता भण्डारी , जेनिशा चोखाल सहसचिव र अमन परियार कोषाध्यक्ष रहेको ४० सदस्यीय कमिटि गठन गरिएको छ ।
कार्यक्रमको अध्यक्ष अनेरास्ववियुका जिल्ला कमिटि म्याग्दीको संयोजक दर्पण रोकाले आफुले लिनुपर्ने शिक्षाको बजेटका आधारमा विद्यार्थीहरुले धारणा बनाएर बाध्यकारी शिक्षा दिने प्रवृतिको अन्त्यका लागि र बिधार्थीको ज्ञान, सिप ,क्षमताको आधारमा ढुक्क संग बिधार्थिले निशुल्क शिक्षा लिन पाउनुपर्ने नैसर्गिक अधिकारको लागि अनेरास्ववियु निरन्तर रुपमा लडिरहेको बताउनुभयो।
सबैखाले बिभेदमा बिद्रोह,बिकृती बिसङ्गती विरुद्धमा म अखिल कार्यक्रम जिल्ला भरी संचालन गरिने शिक्षामा रहेको खाडललाई पुर्न सम्पुर्ण विद्यार्थीहरुलाइ अनेरास्ववियु मा गोलबद्द गरि अगाडि बढ्ने साथै हरेक समस्यालाई निराकरण गर्न,शिक्षा स्वास्थ्य र देशको हरेक सिस्टमलाइ परिबर्तन गर्नका निमित्त अखिल बनी प्रगतिशील यात्रामा लम्किन विद्यार्थीलाई अनुरोध गर्नुभयो ।
अनेरास्ववियुका जिल्ला संयोजक दर्पण रोकाको अध्यक्षता , जिल्ला सह-संयोजक मिलन खत्रिको स्वागत र प्रचार बिभाग प्रमुख समिर रोकाको संचालनमा कार्यक्रम सम्पन्न भएको थियो ।
Related posts
