चालु अर्थिक बर्षमा म्याग्दी र मुस्ताङ्गका कृषकहरु लाई कृषि ज्ञान केन्द्र म्याग्दीबाट ९ कारोड भन्दा बढी अनुदान वितरण गरिने भएको छ । संघ सरकारबाट प्राप्त शसर्त अनुदान ४ करोड २५ लाख ८२ हजार र प्रदेश सरकारबाट प्राप्त शर्सत अनुदान ६ करोड ९१ लाख ९६ हजार गरी कुल ११ करोड १७ लाख ७८ हजार रुपैयाँ मध्य ९ करोड १७ लाख ७८ हजार रुपैयाँ कृर्षकलाई वितरण गरिने कार्यालयले जनाएको छ ।
प्रदेश सरकार बाट प्राप्त ६ करोड मध्य २ करोड रुपौयाँ चालु बर्ष भरी कार्यालयको चालु तथा पुँजीगत खर्चमा खर्च हुने कार्यालयले जनाएको छ ।

संघ सरकार अन्तर्गत विनीयोजन भएको ४ करोड २५ लाख ८२ हजार रकम मध्य प्रधानमन्त्री कृषि आधुनिकीकरण परियोजना अन्तर्गत ३ करोड २० लाख ८६ हजार प्राङ्गारिक खेती कार्यक्रम अन्तर्गत ९८ लाख ६ हजार र रैथाने तथा स्थानिय बाली विकास कार्यक्रम अन्तर्गत ६ लाख ३६ हजार रकम विनियोजन गरीएको ज्ञान केन्द्र म्याग्दीका कृषि प्रसार अधिकृत गोबिन्द पाण्डेले बताउनु भयो ।

कार्यलयले विभिन्न किसिमका कृर्षि फार्म, कृषक, कृर्षि समुह, कृर्षि सहकारी, साना कृर्षि ब्यवसायि फार्म विस्तार कार्यक्रम, साना सिचाई कार्यक्रम, कृर्षि उपज संकलन केन्द्र तथा बिक्री वितरण केन्द्र निमार्ण, कृषि यान्त्रीकरण, बाझो जग्गामा खेती गरेबापत प्रति रोपनी ३ हजार, प्रतिफलमा आधारीत कृषि उत्पादनमा एक रोपनिमा तरकारी उत्पादन गरेबापत ३ हजार जसका लागी न्यूनतम ३ रोपनिमा तरकारी खेति गरेको हुनु पर्ने, ब्लक विकास कार्यक्रम, प्राङ्गारिक र विभिन्न रैथानि बाली विकास कार्यक्रम लागाएतको विभिन्न शिर्षकमा कार्यालयले अनुदान वितरण गर्ने भएको छ ।
नेपाल कृर्षि प्रधान देश हो । सरकारले कृषिमा देशलाई आत्म निर्भर गराउने उद्देश्य राखेकाले गत बर्षको तुलनामा यस बर्ष सरकारले कृर्षी क्षेत्रमा लगानी बढाएको ज्ञान केन्द्र म्याग्दीका कृषि प्रसार अधिकृत पाण्डेले बताउनु भयो ।

Related posts

आमाको सम्झनामा बृद्धाश्रममा बसोबास गर्ने वृद्धवृद्धालाइ भोजन

तमानगाउँको ढाका कपडाले पाएन बजार

म्याग्दीबाट प्रतिनिधि र प्रदेशसभामा बाम–लोकतान्त्रिक गठवन्धन विजयी

गाउँपालिका भवन अगाडि फालियो २ हजार सुन्तलाका विरुवा

काँग्रेसबाट बेनपा –९ को अध्यक्षमा चक्र केसी उम्मेदवार